Laborari, kontsumitzaile eta hautetsi askoren mobilizazioa emankorra izan da. Gabadi, Domintxine eta Barkoxeko oilo eta ahate sanoak zaintze sanitario pean ezarriak izan dira, hiltzetik salbaturik, zentzu ona garaile izanik.

Laborari, kontsumitzaile eta hautetsi askoren mobilizazioa emankorra izan da. Gabadi, Domintxine eta Barkoxeko oilo eta ahate sanoak zaintze sanitario pean ezarriak izan dira, hiltzetik salbaturik, zentzu ona garaile izanik. ELB sindikata pozik agertzen da, salatuz haatik FDSEA eta JA sindikaten jokamoldea, bereziki "hedabideetan errepikatzen dituzten gezurrak, sinetsaraziz Gabadin, Domintxinen eta Barkoxen hiltzea ez eginez beste ehunka hazleren etxalde husteak berantarazten dituztela". Hala ere, zaintza sanitario zorrotzak jasanen baitituzte hiru etxaldeek, ELBk dio gastu handiak jasanaraziko dizkiela zerbitzu sanitarioek hiru etxaldeeri eta hor ere erne egonen dela euskal sindikata, administrazioaren mendeku irriskuak baztertzeko. Hau ere dio ELBk: "Azken astetako borrokak argi erakutsi du jendea ez dela bakarrik mobilizatu ahate eta oilo sano zonbaiten salbatzeko bainan ere kalitateko laborantxa eta kalitateko janariaren sustengatzeko, modelo industrialen ondorio kaltegarrien kontra eta podere publikoen gogortasunaren kontra, hauek interes berdinak zerbitzatzen baitituzte".