Urte guziz bezala Adin Goxoa elkarteak eskualde baten ezagutza egitea proposatzen du. Aurten Portugal herrialdera jotzeko asmotan da eta hain xuxen Lisboa aldera, buruil edo irailaren 17tik 22ra.

Urte guziz bezala Adin Goxoa elkarteak eskualde baten ezagutza egitea proposatzen du. Aurten Portugal herrialdera jotzeko asmotan da eta hain xuxen Lisboa aldera, buruil edo irailaren 17tik 22ra. Hiri erdiko hotel batean hartuz ostatu. Fama handiko Boca Do Inferno merkatua deskubritu ondoan, kostaldean ibili eta Lisboako hiri ederra miretsi. Salazar zubi zintzilikatuan Tajo ibaiaren golkoa zeharkatu eta Kristo Rey santuariora bisita egin. Gero Fatima, hiri erlijioso aipatua ikusi eta Nazare arrantzaleen herriaren itzulia egin; ondotik, Uneskok Gizadiaren ondarean sailkatua duen Santa Maria de Alcobaca Abadian gelditzeko. Hots, kultura mailan bidaia zinez interesgarria izanen da gustu duenarentzat. Haatik, autobusean jar-lekuak mugatuak izanez, parte hartu nahi duenari ahal bezain laster bere izena emaitea galdegina zaio Marthe Harisperekin harremanetan sartuz, 05 59 54 01 55 zenbakira deituz edo harispe.pierre@sfr.fr helbidera idatziz, maiatzaren 15a aitzin. Bestalde, Ibiltzaile elkarteak mendiko ateraldia muntatzen du maiatzaren 9an, asteartez, Adartzara Bankatik. Xehatasunak ikus: ibiltzaile.fr gunean.