Baigorriko pilota batasunaren biltzar nagusia iragan da joan den larunbat arrastirian gure herrian, Herriko Etxeko gibeleko salan.

Baigorriko pilota batasunaren biltzar nagusia iragan da joan den larunbat arrastirian gure herrian, Herriko Etxeko gibeleko salan. Jean-Michel Anchordoqui auzapezak egin diote ongi-etorri beroena biltzarkide guzieri, herritik beretik bazagolarik multxo on bat. Batasunaren bulegotik hor ziren hiru ko-lehendakariak, Jean-Marc Oçafrain, Beñat Semerena eta Ramuntxo Irastorza, hor ere Argia Olçomendy idazkaria eta bi diruzainak, Evelyne Semerena eta Mirentxu Hirigaray. Guziek eman dute elkartearen berri, huntan daudela 330 lizentziadun. Ez gira hemen xehetasunetan sartuko, heldu den astean Baigorriko berriketariak aipatu beharrak ditu. Biltzarra bururatzean, Lilou Etcheverria pilota federazioko presidentak bere poza agertu du, batasun hunen dinamismoa beti gora dabilala ikusiz. Jean-Michel Coscarat Baigorriko auzapezak bere aldetik eskerrak bihurtu diozka pilota batasunari, urtez urte deraman sail baliosarentzat. Batzuk eta bertzek eskertzen zutela ere Bidarrai, pilotari lur emankor hau, biltzar nagusi hau aterbeturik. Azpimarratua izan da ere hemengo Jo Pilota elkartearen lana eta berezikiago hunek urtero antolatzen duen kantonamenduko haur eta gazteen arteko lehiaketa, gaur ezinbestekoa bilakatua. Biltzarraren ondotik, denak bildu dira Aldudeko Oteizak eskainitako janaldi nasaiaren inguruan.