Kostaldean | 2017ko Ekainaren 15a

Zokoako besta arrakastatsuak

Aurten, aroak errotik lagundu ditu Zokoako bestak. Kantaldi airos batekin hasi direnak. Larunbatean, ainitz ausagailu eta zernahi jende.

Aurten, aroak errotik lagundu ditu Zokoako bestak. Kantaldi airos batekin hasi direnak. Larunbatean, ainitz ausagailu eta zernahi jende. Xipiroiak eskastu ere dira, kasik oren bat barne denak janak! Dantza, ur-joko, pilota partida eta gaineratiko, bazen gaitzeko giroa! Meza ere kartsuki joan da. Igandean, mus lehiaketa ederki bururatu da. Irabazle bi urruñar, Rivera anai-arrebak, Jean-François eta Maritxu. Bigarren, Charly Bertami eta Henri Subervie. Zintzur bustitze denboran, kopa pollit batzuen banatzaile muslariak goretsiz, Guy Poulou auzapeza, Jojo Aramburu besta-komitearen buru dena, eta Ttotte Luro, mus zoin-gehiagoka hortaz azkarki arduratu dena. Ondotik, bazkari hauta, beti bezala funtsean. Atunkia ilar xehekin, Zokoako moldean prestatua. Alaiak abesbatza trenpu hoberenean!
Email Buffer Facebook Google Twitter Pinterest LinkedIn Digg StumbleUpon Tumblr

3405. zbk

Kuraia baduzu ez deusen beldur ez bazira baina beldurrari ihardukitzen jakinez.

Nelson Mandela

Gure Hitza | 2017/06/15

Tsunami makronista

Peio Jorajuria

Julien Corbineau koreografoak sortutako "Hatsa" dantza ikusgarri berria zoragarria aurkitu dugu joan den larunbatean Donibane Garazin. Ohiko euskal dantzak ber-bisitatu ditu, taula gaineko hamabi dantzari gaztetxok eta sei musikarik ikuslegoa liluraturik uzten dutela.

Julien Corbineau koreografoak sortutako "Hatsa" dantza ikusgarri berria zoragarria aurkitu dugu joan den larunbatean Donibane Garazin. Ohiko euskal dantzak ber-bisitatu ditu, taula gaineko hamabi dantzari gaztetxok eta sei musikarik ikuslegoa liluraturik uzten dutela. Azken urte hautan euskal dantzari hats berri bat emana zaio, denen gozamenerako.

Politika mundua ere hats berri baten behar gorrian dugu. Legebiltzarreko bozaldiaren lehen itzulia genuen igandean. Emaitzak burrustan etorri zaizkigu igande arratsean, abstentzioa haatik sekulan ikusi ez dugun heinekoa izan delarik (%51). Emmanuel Macron lehendakariaren La République en marche alderdiak haizea alde du, gehiengo handia erdietsirik herri eta hiri frankotan, tsunamia, batzuk gaitzesten dutena, egiazko demokraziaren kaltetan zaiela, bestek txalotzen dutena, etorkizun hobe baten menturan. Bigarren itzuliak baieztatu behar lituzkeen emaitzak, orain arteko politikari zohitu asko antzara ferratzera...

Irakurri segida


Gurekin harremanetan sar




segurtasun kodea

Herria Euskal Astekaria - Landagoien - 875, Landagoieneko errepidea - 64480 UZTARITZE | tel: 05 59 25 62 85 | herria@wanadoo.fr

Legezko oharrak | Diseinua eta programazioa: iF Diseinuak - 2016