Robert eta Mari Koseparen urrezko ezteiak (doinua: Ttiki ttikitik edo zortziko nagusian edozoin)

Robert eta Mari Koseparen urrezko ezteiak

(doinua: Ttiki ttikitik edo zortziko nagusian edozoin)

1 À¢'€'" Urre kolore dagonez egun, hasi gaitezen kantari

Besarkada bat haurride eta adixkide multzoari

Lehen batean, bihotz bihotzez, eskerrak Jainko aitari

Zuen artean maitasun sendo, iraunkor bat du ezarri.

2 À¢'€'" Robert gaztetan apezterako ote zinuen gogoa?

Bainan bizitza, ez dakigula, askotan bertzela doa

Tinda lanetan hartu baituzu biziko oÀ¯'¬'zioa

Bakarra zira, gaur erraiteko, zoin daiken hobeagoa.

3 À¢'€'" Kirola maite zinuela zuk, baitugu beraz aditu

Txirrindulari izaite horrek alderdi onak baditu

Frantziko Tour-an parte hartzeaz etxean denek amestu

Zu han izanez, gaizo Eddy Merckx! zer behar zuken sofritu!

4 À¢'€'" Anaia baten ezkont eguna nola ez daiteke aipa

Izar batekin zuk egun hortan ustegabez egin topa

Behako samur, irri batekin, segidan aitortuz: "Aupa

Bizi guziko zu behar zaitut gaurdanik Mari Kosepa"

5 À¢'€'" Zu Koroineko etxe ondoan ibiltzea ez zen gaizki

Orduz geroztik zure kirola aldatu ere da naski

Bainan gauza bat hemen gaudenek orok dakigu segurki

Txirrinduletan izaiten dira dituztenak bi jar alki.

6 À¢'€'" Joste lanetan eta brodatzen, zer bizibide ederra

Mari Kosepa, nola ez gorets daukazun esku zilarra

Sukaldaritzan ere baituzu erakutsia pindarra

Janari onak dio Robert-i azkartu maitasun garra.

7 À¢'€'" Mari Kosepa, baia emanik, zaizte beraz ezkonduak

Aro ederrak ta txarragoak elgar maitez onartuak

Ohantze bati berriturikan paret eta teilatuak

Leihor azpian gorderik daude bi bien segeretuak.

8 À¢'€'" Maitasun handiz bizi izanez familia emendatu

Mari Kosepa, bi haur dituzu laster ere munduratu

Gazte maiteak, ildo beretik nahi bazaizte segitu

Euskara beti mintza zazute ta geroa segurtatu.

9 À¢'€'" Euskal kultura, Robert maitea, ez da arrotza zu baitan

Lapurtar Biltzar ta Herri Urrats, lehenbizi sortzailetan

Euskadi dena salba beharrez, engaiatuz politikan

Seaska eta Euskal Herria daude zurekin zorretan.

10 À¢'€'" Mende erdi bat zaretelako elgarren maitasunean

Asko moldetan ari izanik bizi guzian lanean

Hau da zuentzat dugun desira gure bihotz barrenean

Bizitzen segi osagarri ta zorion hoberenean.

11 À¢'€'" Aspaldixkoan beha egonik, gaurko egun hau da jinik

Ote zitaiken gu guzientzat handiago atseginik

Zeruko aitak gogoan badu, gauzatxo hau oraidanik

Diamantezko ezteiendako denak prest gaude jadanik.