Herria | Herriz Herri

Dolu

J-P C.

Igandean zortzi segitu dugu bere azken egoitzara Pierre Tapia, 82 urtetan zendua, sortzez jatsuarra. Lan denbora Parisen egina zuen klaber bezala. Erretiran Iholdiratu zen, Zedarria etxea erosirik. Hor ere ahalek utzi dioteno kalipu, bere burua elizaren zerbitzuko ezarri zuen. Zonbat eskukaldi ez du egin, isilik bezain goxoki, halakoa baitzen Pierre bere irri eztiarekin! Ehorzketetako meza eder bat ukan du familiakoen kantu eder batzuekin. Milesker zure lekukotasunaz, orok gogotik parte hartu dugu, ez baitu beti jendearen nonbreak egiten oÀ¯'¬'zioaren edertasuna. Heriotze hortaz hunkiak diren guzieri gure dolumin bihotzekoak.

3406. zbk

Musikak arintzen du bihotza eta airosten gogo.

Platon

Gure Hitza | 2017/06/22

Kondalariak

Jean-Louis Harignordoquy

Maiatzaren 28ko Berria egunkarian Xan Errotabehere kontalariaren elkarrizketa interesgarri baten irakurtzeko parada eskainia izan zaigu. Noizbait oholtzan edo taula gainean ikusi ukan dugunek badakigu idazteko eta antzerkirako gaitasunak dauzkala Xanek. Baditu ipuin berriak moldatuak, bereziki euskal mitologian oinarrituz. Jende helduentzat ere bai, irri egitekoak, historiari lotuak edo berdin itsasoari buruzkoak. Biziki poliki dio ipuingintza supazterreko gauza dela, irriarekin edo ustekabekoarekin gozatzeko egina. Esplikatzen du ipuinek isladatzen dutela gure lurraren mintzoa, gure arbasoek moldatu bazterrak, gure ohidurak eta pentsamoldeak. Istorioak gaurkotzen direla erraiten digu.

Denbora batez arrakasta ederra bazuten herrietako txiste kontalari gehienek, oroz gainetik lehen lehenik bertsolari ziren Mattin, Lazkao Txiki, Alkhat eta Ezpondak. Ugutz Robles txiste kontalari paregabeak dio azken hamarkada hautan galduz doala ohidura hori, gaurko entzule asko ez baitira...

Irakurri segida

PDFa jaitsi