Ziburun, Herriko Etxeak prestatzen ari duen lur-arramoldaketa, PLU delakoa, aldi bat baino gehiago ja aipatua hemen berean, ez da batere denen gustukoa.

Ziburun, Herriko Etxeak prestatzen ari duen lur-arramoldaketa, PLU delakoa, aldi bat baino gehiago ja aipatua hemen berean, ez da batere denen gustukoa. Kontrakoek, proiektua ezin onetsiz, badituzte elkarte batzu muntatuak, azkarki mugitzen ere direnak. Azken egun horietan, elkarte horiek berriz entzun-arazi dituzte beren arrangura eta aldarrikapenak. Egia erran, ez da baitezpada deus berriagorik, beti gauza berak kondatzen dira, bainan elkarte horiek erakutsi nahi dute erne dabiltzala, ez dutela beraz hola eta hola amor emanen. Bizitegi berriak behar direla, bereziki sozial-mailekoak, hori ez dute ukatzen, bainan ez dute onartzen etxegune berri batzu nola nahika egitea, sobera handiak, ingurumena azkarki fundituz eta hola. Untsa aztertu gabe nolako galkadurak ere balitazkeen hor gaindi, nolako behar-orduak ere sail askotan hoinbeste bizitegi berriren funtsez kondutan hartzeko... Proiektu batzuentzat deplauki diote entzugabekeria hutsak direla. Herriko Etxeak errefera, ahal bezen xintxoki ari direla, gobernuak manatzen-eta 660 sozial bizitegi berri lehen bai lehen eraikitzea. Orokorkiago, herriaren garapen orekatu bat dutela sustatu eta gauzatu nahi... Hots, bakoitxa bere hartan tematzen da eta itxura guzien arabera istorio horrek biziki soka luzea ukanen du oraino...