Herriz Herri - Bardoze (L) | 2017ko Ekainaren 22a

Pasabideak erakusketa

Urte oroz antolatzen du arte garaikide erakusketa bat Foyer de Bardos tokiko kultura elkarteak.

Urte oroz antolatzen du arte garaikide erakusketa bat Foyer de Bardos tokiko kultura elkarteak. Aurtengo edizioa ekainaren 17tik uztailaren 16a arte iraganen da Salako geletan. Estreinaldia joan den ebiakoitzean egin dute, tokiko elkarte buru, hautetsi eta herritarrak bildurik. Bi mundu desberdin gurutzatzen dire erakusketa hortan. Xabier Celestino iruindarrak bere pinturak dauzku aurkezten, HELIX taldeko artistek egindako antolatze andana batekin: Franzen soinuak, Isa Omerren graÀ¯'¬'smoak eta Pascal Billarden zizelkadurak bertzeak bertze. Irekitze tenoreak: asteazkenetan 15:00etarik 18:00etarat, ortziraletan 16:00etarik 20:00etarat, ebiakoitzetan 16:00etarik 20:00etarat eta igandetan 10:00etarik 12:00etarat eta 15:00etarik 18:00etarat. Bisita gidatuak edozein talderi proposatuak zaizkie, Mélanie Commetekin harremanetan jarriz (06 87 51 36 32 / foyerdebardos@gmail.com).

Herriz Herri - Bardoze (L) | 2017/06/22

Legebiltzarreko bozak (2)

Ekainaren 18an, igandearekin, ginituen diputatu bozak.

Irakurri segida

Herriz Herri - Bardoze (L) | 2017/06/22

Bardoztarrek haututako diputatuak

Hona azken 20 urte hauetan legebiltzarreko bozetan bardoztarrek hautatu dituzten diputatuak.

Irakurri segida

3406. zbk

Musikak arintzen du bihotza eta airosten gogo.

Platon

Gure Hitza | 2017/06/22

Kondalariak

Jean-Louis Harignordoquy

Maiatzaren 28ko Berria egunkarian Xan Errotabehere kontalariaren elkarrizketa interesgarri baten irakurtzeko parada eskainia izan zaigu. Noizbait oholtzan edo taula gainean ikusi ukan dugunek badakigu idazteko eta antzerkirako gaitasunak dauzkala Xanek. Baditu ipuin berriak moldatuak, bereziki euskal mitologian oinarrituz. Jende helduentzat ere bai, irri egitekoak, historiari lotuak edo berdin itsasoari buruzkoak. Biziki poliki dio ipuingintza supazterreko gauza dela, irriarekin edo ustekabekoarekin gozatzeko egina. Esplikatzen du ipuinek isladatzen dutela gure lurraren mintzoa, gure arbasoek moldatu bazterrak, gure ohidurak eta pentsamoldeak. Istorioak gaurkotzen direla erraiten digu.

Denbora batez arrakasta ederra bazuten herrietako txiste kontalari gehienek, oroz gainetik lehen lehenik bertsolari ziren Mattin, Lazkao Txiki, Alkhat eta Ezpondak. Ugutz Robles txiste kontalari paregabeak dio azken hamarkada hautan galduz doala ohidura hori, gaurko entzule asko ez baitira...

Irakurri segida

PDFa jaitsi