Kalitateko eguratsaren egun nazionala zen, asteazkenez, joan den irailaren 20an.

Kalitateko eguratsaren egun nazionala zen, asteazkenez, joan den irailaren 20an. "Su Aski" herritar kolektiboa hortan partaide zen. Bankan goizez bai eta arratsaldean eta gauean Baigorrin Plaza Xokoko biltokian. Arnasten dugun airea zen horgo arrangura, mendietako suak aztergai eta mintzagai izan dira. Hain zuzen landare erretzeak ekartzen ditu zatiki xeheak eta ondoriozta daitezke biriketako gaitzak eta osasun kalte larriak (AVC). Eguratsaren kutsadurak Frantzian 48.000 heriotze ekarri ditu, gehienik zatiki xeheenganik eta zatikiak alde orotara doaz. Frantzia ezazol dago gaitz honi aurka egiterakoan eta noizbait ordaindu beharko dituen isun izigarrietaz zordun dago Europaren aldera. Kolektiboak uste du hobe litzatekeela konponbideak bilatzea kutsadura hauen azkarki gutitzeko, kalte hauentzat isunen ordaintzera behartua izateko ordez. Goizean, Banka Uhaldean ongi etorri egin dute Gabriel eta Moniquek eta prentsari hitzegin eta azaldu beren bio-laborari ttipi egoera eta ibilera surik gabe. Gero Manex erlezainaren eta Aitor baratzezain belar-biltzailearen aldi zen, ziotelarik zergatik suari uko egin dioten. Etorria zen ere Ariège aldeko artzain bat, jina erraitera zergatik suari ezezkoa eman dion eta aitortu du nola luzaroan haren lurrak ondu diren aitzinetik hamarkadetan erreak izan ondoan. Su Aski-ko bazkide batek hitzegin du ziola, jadanik Ipar Euskal Herriko Kostaldearentzat egin den bezala, bideratu behar dela eguratsa zaintzeko plan eraginkorra lurraldeko 158 herrientzat. Plaza Xoko gelan (Baigorriko udalbatzarraren baimenarekin) arratsaldez ikusgai ziren erakusketa eta À¯'¬'lmak, eta Aitorrek prestatu sasi-landare tisana dastatu da atseginekin. Eztabaida luze batek bukatzen zuen eguna, buruz-buru zaudela Lagun insertzio elkarteko zuzendaria eta Laborantza Ganbarako ordezkaria. Hor zaudenentzat baita ere su-emaileentzat PAC egitura da gaizki zuzentzen eta banatzen dituen diru-laguntzen ondorio txarrekin hobendun nagusia. Gehiago jakiteko Su Aski kolektiboaz: suaski@laposte. net eta www.suaski.org/