Herria | Herriz Herri

Dolu

Kanbo Arditeitik jin zitzaikun berria, Manex Sallagoity apeza zendu zela 98 urtetan.

Kanbo Arditeitik jin zitzaikun berria, Manex Sallagoity apeza zendu zela 98 urtetan. Manex 20 urtez egona zen gure parropian erretor kartsu eta bihotz onekoaren oroitzapena ukanen dugu, elizan elizgizon kantaria, elizkizun airosak maite, kanpoan konpainiako gizon laketa, apezetxeko atea ideki orduko ongi-etorri beroaren egiten zakiena. Laborari semea izanez, maite zinuen zure baratzea, zoin eder eta garbi atxikitzen zinuela! Elizkizun ederrak ukan dituzu Heletako elizan, merezituak zinituen bezalakoak. Orain pausa zaite, Manex, betiko zorionean. Guk hemendik adiskidantzazko doluminak familiari.

3426. zbk

Deusik ez da jeloskeria baino gauza itsusiagorik.

Shakespeare

Gure Hitza | 2017/11/23

Erresiñola

Peio Jorajuria

Euskal zinema ohoretan da zenbait aste hautan.

Euskal zinema ohoretan da zenbait aste hautan. Joan den asteburu guzian iragan da Zinegin festibala Hazparnen, arrakastatsuki, festibal horrek urtetik urtera bere ziloa egiten ari duela Ipar Euskal Herriko panorama kulturalean. Manex Fuchs eta Eñaut Castagneten "Non" filmak ere publikoa ederki bildu du gure hiru euskal lurraldetako zine-geletan; sozial alorra jorratzen duen fikzioa greba mugimendu baten haritik doa. Halaber jendetsua Sandra Blondel eta Pascal Hennequin zinegile gazteen "Irrintzina, le cri de la génération climat" filmak tirriatu duen publikoa. Eta deritzuet dokumental hau zinez indartsua dela, Bizi mugimendu altermundialistako militanteek bereziki, Txetx eta holako batzuen ildotik, daramaten borroka eredu bezala ekarririk munduaren aitzinera, Frantzian gaindi eta haratago ere onddoak bezala zabaltzen ari diren Alternatiba egunak lekuko. Euskaldunak ez daude lo! Eta iragaten ari da ere Eugène Green zinegilearen "Faire la parole" filma, euskal kultura ohoratzen...

Irakurri segida

PDFa jaitsi