Macrontiarrek hautetsi dute beraz beren alderdiburua.

Macrontiarrek hautetsi dute beraz beren alderdiburua. Ez dira egia erran biziki akitu hautua ezin trenkatuz. Hautagai bat baizik ez zuten alabainan, Christophe Castaner ministroa. Ez dute haatik alderdiburu izendatu, denek jakinki-eta bistan da alderdiaren egiazko buru lehena Macron presidenta bera dela, eta ez beste nehor. Hartu duen karguari izen berezi bat eman diote, "délégué général", batzuk frango bitxia kausitzen dutena. Euskaraz erraiten ahal ginuke orobat ordezkari nagusi. Norbaitek gogoan balin badu egokiagoa litakeen zerbait, erran gustuan... Erraiten ahal da buruzagi berriak bilkuran ziren guzien bozak bildu dituela airoski. Nehor ez da kontra agertu, bi boz zuri halere bainan batto berarena izaiten ahal... Ordezkari nagusiak talde bat ukanen du bere laguntzaile. Hor, lau zerrenda agertu dira haatik, Richard Ferrand buru zuenak ukan du gehiengo ederra (%75). Bozetarik landa hauxe da azpimarratu sekulan baino kar gehiagorekin, alderdia ari dela Frantziaren berritzeari eta hartu bide hortarik segituko duela.