Mundu zabalean | 2017ko Azaroaren 23a
Mali, Niger eta beste
M.P.
Diote gero ta gehiago Mali hori Frantziarentzat Afganistan bat bihur ditekela, hain dira gauzak hor gaindi makur eta airean!
Diote gero ta gehiago Mali hori Frantziarentzat Afganistan bat bihur ditekela, hain dira gauzak hor gaindi makur eta airean! Malin eta inguruetan jendeak gero ta erradikalago bihurtzen ari direla, gobernuak ahultzen ari eta beraz jihadistak gero ta gehiago ausartatuak. ONUko buruak berak ateraldi bat egina du Niger aldera joan den aste hortan, hobeki nahiz ikusi berak zer nora doatzin horgo gorabeherak. Anartean Frantzia eginahala prudenki lotua da naski orain bere egitekoari, bainan gerta ditekenaz ez aski segurtatua. Beraz noiz arte hor egon behar du Frantziak? Macron jaunak berak ez dio hortaz gauza handirik. Denbora bateko espantuak sartuak? Kasu beraz hor gaindi oraino gerta ditekenari. Afera biziki mintzen ez ote den ari azkenekoz?
