Aste huntako berrietan, esku huskako berriak eman aitzin, palantxazkoetaz gira lehenik mintzatuko.

Aste huntako berrietan, esku huskako berriak eman aitzin, palantxazkoetaz gira lehenik mintzatuko. Neskek eta andereek ere beren xapelgoa segitzen dute paletan pilota betearekin eta joan den asteburuan Irisartarrak pilota elkarteko lau parek final-laurdenak jokatu zituzten, hiruk gaztetxoetan eta batek hirugarren mailan, maleruski azken hauek (J. Arrabit-M. Arhets) galdu dute beren partida 39-40 Arbonarren parean. Aldiz, gaztetxoen B mailan, gure bi parek irabazi, beraz finalerdietan Emma Orhategaray-Katixa Vignau-Tuquet ariko dira Sara Legarto-Leire Etcheversen parean eta ondorioz Irisarriko pare batek finala jokatuko du abenduaren 3an Irisarriko trinketean. Gure irakurleeri ere abisu bat, asteburu huntan finalerdiak jokatuko direla, ibiakoitzean arratsaldeko 5etarik goiti eta igandean egun osoan, xitoetarik lehen maileraino, beraz palantxa andere eta jabe aste undar huntan eta funtsean bestean ere (finalekin), Irisarriko trinketean.