Herriz Herri - Zuraide (L) | 2019ko Apirilaren 18a

Klika Korrika

2015eko Korrikan Léon Darraidou
2015eko%20Korrikan%20LAon%20Darraidou

Zonbat klik ez dugun egiten egunero ordenagailuko saguari!

Zonbat klik ez dugun egiten egunero ordenagailuko saguari! Ezin erran! Oraingoan, aldiz, klika egin dugu Korrikari, gure zangoak luzatuz, urrats oro emanez euskarari hatsa. Senperetik hurbildu zaiku ttipi ttapa, ttipi ttapa, goizeko 9ak hirian, lekukoak airoski zeharkatu du herria, batean Kosta Garaia eta “Zuraide indarrean” elkarteko ordezkariek hartuz, eskolarekin batera, bestean pesta komiteak eta, nola ez, Herriko Etxeko hautetsiek. Aitzineko urtetan argazkian agertzen den Leon Darraidou gure artean zagon. Aurten, aldiz, nahiago izan du Andde bere anaiaren aldean egon, azken oren horietan laguntzeko. Andde pausatu da, oroitzapen hoberena utzirik guri: Euskaldun zintzoa, lan handia eramanik bere sorterrian, Hemen eta Herrikoan, erakaspenez bete gaitu. Euskarari atxikia zen, bere bidetik jarraikitzeko gira lanean ariko. Doluminik bizienak bihurtzen ditugu joaite horrek penetan uzten dituen guzieri.

Email Buffer Facebook Google Twitter Pinterest LinkedIn Digg StumbleUpon Tumblr

3495. zbk

Argi ederrenak ere deusik ez du balio begiak ez balin badituzu idekitzen ahal.

Arabiar erran zaharra

Gure Hitza | 2019/04/18

Ubuntu

Peio Jorajuria

Martxoko Arantzazu aldizkaritik hartu dut editorial hunen izenburua: Ubuntu.

Martxoko Arantzazu aldizkaritik hartu dut editorial hunen izenburua: Ubuntu. Hilabetekari hortako Aitor Sorreluz arduradunaren lumapean esplikatua zaigu hitz horren erran nahia. Egun batez, antropologo batek afrikar leinu batetako haur multxo bati proposatu zuen joko bat. Arbola baten pean ezarri zuen fruituz betetako otarre bat, haurrek zeinlehenka lasterka joan behar zutela arbolaraino. Eta lehen heltzen zenak saritzat ukanen zuela zare osoa berarentzat. Haurrek, haatik, lasterka abiatzerakoan, eskuak lotu zituzten elgarri eta betan arribatu ziren zuhaitzera. Jarri ziren eta fruituak partekatu zituzten jateko. Antropologoak orduan galdegin zien zergatik molde hortan kurritu zuten, jakinez bakar batek beregana zitzakeela fruitu guziak. Haiek ihardetsi “ubuntu”. Afrika hegoaldeko xhosa leinuaren hizkuntzan, hitz horrek erran nahi du ‘naizena naiz, zeren gu denak baigira’. Edo, Aitor Sorreluzek dioen bezala, ez dago ‘gu’ gabeko ‘ni’rik. Haurrentzat gauzak argi ziren: ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016