Urtarrilaren 25ean, ibiakoitzarekin, mus zoingehiagoka Donapaleuko laborantza lizeoko gazteek, ibiakoitzean zortzi mus lehiaketa berezi bat antolatuko dute gure herrian, Denen Etxeko gela nagusian. Hauen helburua da egin etekinarekin ikasketa hondarrean egin beharreko bidaiaren diruztatzea. Sari ederrak badaude irabazteko: 400€ irabazdunek, eta 200€ finalistek. Izenen emaitea arratsaldeko 2etan hasiko da, eta lehiaketa 3etan. Izenarekin betan 13€ eman beharko da. Arratsalde guzian, edari, talo eta matahamiak ausarkian salduko dituzte ikasleek. Ongi etorri deneri! Kabalkadaren ondotik, geroa aipagai Joan den ibiakoitz goizean, 40 bat kabalkadako parte hartzaile bildu ziren Denen Etxeko gelan, geroari buruzko kultur proiektuen elkarrekin aipatzeko. Senditu dena da berriz biltzeko arras motibatuak direla, kantuz edo dantzan aritzeko, edo berdin ikusgarri baten antolatzeko. Anartean, lehen hitzordua dute Antzuolan, maiatzaren 16an, han dantzariek eta makilariek Antzuolako dantzariek antolatu ikusgarrian parte hartzeko gomita ukan baitute. Karia hortarat, autobusak antolatuko dira, herritar guziak gomitatuak dira. Antzuolako egunarentzat eta gaineratiko proiektuentzat, gauden xehetasunen beha. Herriko Etxeak ostaler bat xerkatzen Herriko Etxeak ostaler bat xerkatzen baitu GOZATEGIA jatetxearentzat, afera honetaz interesatua dena, lehenbailehen harremanetan sar dadila Herriko Etxearekin, gutunez edo e-postaz (mairie. ayherre@wanadoo.fr) 2020ko urtarrilaren 20a aitzin. Ostatua herri barnean kokatua da, plazaren erdian, aparkalekuarekin, herriko okindegiaren ondo ondoan da, eta izigarriko bista ederra badauka. 24 hilabeteko alokatzekontratua proposatuko da, ondotik urtero berrituko dena, 400€ko alokairu batekin hilabetero. Herritar biztanlen kontaketa hasia Herriko Etxeak jakinarazten du jendeen kontaketa gure herrian hasia dela, eta karia horretara langile baten bisita ukanen dugula. Hunen lanako errazteko, galdatua zauku laster erantzutea hunen bisita ukan ondoan. Herritar bakoitzaren parte hartzea funtsezkoa da. Herriko bozetan bozkatzeko Herriko bozak hurbiltzen ari zauzkigu. Ez ahantz herrian lehen aldiz bozkatzeko gogoa duten herritarrek, beren izena hauteskunde zerrendetan lehenbailehen sartu behar dutela, otsailaren 7a aitzin. Urrats hunen betetzeko, Herriko Etxearekin harremanetan sartu behar da (05.59.29.64.02)