Publikoari idekia izanik ere,
Baionako Euskal Museoak
behereko gelak eta erakusketa
iraunkorra ber antolatzen ditu.
Hurrengo aldi baterako erakusketa
handia maiatza hasieran
abiatuko du. Kultur egitarau
oso bat proposatua izanen da
ere publikoari: ostegun arrats
guziz, hitzaldiak, film emanaldiak,
bai eta dantza ikusgarriak
edo(ta) kontzertuak antolatuak
izanen dira.
Horra nola deitu duen Garapen
Kontseiluak urtarrilaren
16an (10:00), Baionako Elkarteen
Etxean, antolatzen duen
gaualdia. Galdera hauen
inguruan eztabaidatuko dute:
Nola egin bizi publikoan
emazteek beren tokia har
dezaten? Nola egin behar da
gure herrietan eta lurraldean
eginak diren ekintzek egiazko
berdintasun batetara buruz
eraman gaitzaten? 2020.
urteak aro berri bat irekitzen
balu?
Herriko bozak aste batzuen
buruan direla eta, berdintasuna
parekotasunean agertzen
da. Garapen Kontseiluko
"Berdintasunaren Aldeko
Batzordeak" alarma jo du eta
gaualdi horretara gomitatzen
ditu, jendarte zibila eta lurraldeko
hautetsiak mobilizatzeko.
Berdintasunaren urtea
izan dadin nahi du, EBA emazteen
alde lan egiten duen
kolektiboak jadanik deiadarra
jo zuen, Garapen Kontseiluak
bide beretik gogoeta bat
abiatu nahi du.
Egitaraua:
17:30 - Parte hartzaileen
harrera
18:00 - Garapen Kontseiluaren
agiantzak
18:15/18:30 - Gaualdiaren
aurkezpena
18:30/19:15 -...
Geroko erretretak gogoan, berriz
ere izan da greba eta manifestaldi
asko. Frango jendetsuak nahiz
ez haatik joan den hilabetean
izan ziren zonbaiten heinekoak.
Solasketak ere izan dira haatik.
Edouard Phiippe gobernuburuak
ere azkenean proposamen
zonbait egin ditu hautsi-mautsi
zerbaiti buruz. Telebistan ere
aipatu ditu proposamen horiek.
Batean iduri sailaren goxatzerat
ari den aitatxi on bat, bestean
mintzo espantu-untzi eder bat
balitz bezala. Ondorioz, iduri
du giroa ari dela halere doi
bat bederen lasaitzen. Ez litake
goizegi aterabide manerako
bat kausitzen ahal balitz, biziki
kasko gogorra dutenek ere gisa
hartako urratsak eginez. Macron
presidentak ere berriz erakutsi du
afera hori hurbiletik segitzen duela
bainan denbora hartuz bestalde,
bere lan guzien artetik, prediku
eder baten egiteko ingurumen
sanoago baten alde. Biziki prediku
ederra bainan ba ote daki prediku
ederrak ez direla aski?...
Gaitza gertatu da Montpellier
hirian neguko merkaldien
lehen egunean. Untsa telebista
tresna ederrak baziren salgai 30
eurotan! Bazuten ere arrakasta
segur! Bainan eroslea pagatzerat
joaitearekin erraiten zioten
etzela batere egiazko prezioa.
Erosleak kexu, aski hizki handiz
ezarria zela 30 eurotan zirela eta
legeak manatzen duela agerian
ezarri preziotik artzea! Nagusiak
ezetz, lege hori badela bainan
kasu berezi batzutan ez bali!
Kalapita gaitzak izan dira, poliza
elkarrarazteraino! Zer gertatua
zen bada? Telebista horiek, usaian
439 eurotan salgai, ezarriak
zituzten aise merkeago bainan,
kasu egin eskasean, husño bat
eginez. Egiazko prezioa, 309,90
euro. Ezarria zena, 30,99. Kakotxa
zen ez bere tokian. Zonbait oren
joan dira bazterrak arrunt lasaitu
aitzin! Horra nolako nahaskeriak
izaiten ahal diren gaurko egunean,
batere funtsik gabe, saltegi handi
horietan!...
Anitz tokitan badira arrangurak,
gero eta gehiago gainerat, ez
delakotz aski mediku. Eta hauxe
ez dea guziz
gogoetagarri, joan
den aste ondarrean
jakin dena, Parisen
berean medikuak
falta, haurren
e r i t a s u n e t a n
berezituak diren
horietarik! Txosten
baten arabera,
ehun bat segurik
eskas! Azken bi
astetan, zernahi
haur ba-eta eri,
medikurik ez
i z a n k i d e n e n
plantan artatzeko,
haur andana bat
ereman behar ukan
dute frango urrun,
autoz Parisetik
bizpahiru orenen
bidean berdin,
arrangurabide
handiak izanki
familientzat. Nola hortaratuak gira
bestenaz?...
Bi hilabeteren buruko ditugu
herriko bozak. Lehen bozaldia
martxoaren 15ean alabainan.
Hautagai zerrenda gehienak laster
agertuko dira. Bada segur zernahi
apailu eskuin eta ezker. Parisen
saltsa bat ederra, macrontiarrak
ez baitira beren artean batere
ados. Beste hiri handi askotan ere,
tirabira frango eta lanak ba gauzak
ezin argituz. Iduriz, Macron
presidentak ez du bere sudarra
sobera sartuko hauteskunde
horietan, edo azpiz ariko da bere
burua biziki agertu gabe. Hori
diote Pariseko berriketari anitzek.
Xuxen dabiltzanez, zonbait aste
barne ageriko da. Aldiz, Macron
ongi ezagutzen duten anitzen
ustez jadanik gogoan ditu, eta ez
guti, alegia-eta deusez, 2022ko
president bozak. Bai eta arte hortan
izanen direnak, zenaturrenak
aurten berean, departamenduka
bai eta lurraldeka egitekoak
direnak heldu den urtean. Bozak
ba aurten, bozak ba ondoko bi
urtetan ere, hiru urtez segidan
boz-urte beraz. Eta gezur-urte ote
behialakoak ziona?...
Lerro hauen izenburuan aipatuak diren inkestak
eta makila klaskek ez dute elgarrekin deus
ikustekorik. Irakurle, zutabe hau aitzina irakurtzen
baduzu, fite konprenituko duzu bi gai
desberdinez ari naizela hor. Goazen bada.
Aspaldi bazuen Herria honek ez zuela inkestarik
egin bere barneko aferez. Azkena, uste
dut, 1996an, Gilen Irigoin orduko kolaboratzaileak
kudeatu zuena. Kasik mende laurden
bat! Menane Oxandabaratz oraingo idazleburuak
nahi izan du inkestaño bat bultza dezagun,
sinplea bezain adierazgarria, jakin nahiz
gaur nolakoa daukazuen euskal astekari hau.
Badakigu irakurle bakoitzak aurkitzen duela
astekari hontan bere bazka, gustukoa hartuz
eta gaineratekoa baztertuz. Zeren belar onaren
artetik baita beti belar txarrik ere, edo
txarra ez baldin bada ere, bederen gustu gutiagokoa.
Eta hain zuzen, batentzat ona denak
bertze bati gustu karatsagoa edo beharbada
ilaunagoa utziko dio, eta alderantziz. Eta
badira menturaz alor batzuk kazeta honek
egundaino...
