Dolu Duela zonbait egun, mundu huntarik joan zauku Elise Parachou (Ansolabehere), Bastida Berrauko alaba. Gazterik joana zen Parisera, herriko familia batentzat haurtzain. Han, idazkaritza ikasketak eginik, ofizio hortan iragan du bere lan denbora. Lanetik hurbil ezagutu zuen ere Jean Pierre Parachou ezpeletar seme poliza gizona, hunekin ezkondu eta bi seme altxatu. Erretiran, Ezpeletan eraiki etxe berrira etorri ziren. Senarra galdurik, duela 8 urte Baigorriko Larrazkena zahar-etxera jina zen eta hor pausatu da 88 urte zituela. Bere ehorzketak Ezpeletan iragan dira eta senarraren ondoan hobiratua izan da. Doluan den familia guziari helarazten ditugu gure dolumin bizienak. Kantu bazkaria Baigorriko ikastolak kantu bazkaria antolatzen du otsailaren 1ean ibiakoitzez Manexenea ostatuan, baztandar Frantxixkok alaiturik. Eguerdi eta erditarik Baigorri goiti bazkari ona gozatuz, arratsaldean ere kantuz segitzeko grazia izanen da denentzat. Prezioa: 30€, bazkaria, arnoa eta ondokoa barne. Parte hartzeko, izenak eman behar dira urtarrilaren 25eko deituz Manexenea: 05 59 37 41 68 edo Arño: 06 85 71 11 30. Lotoa eta mus lehiaketa Urtarrilaren 25ean ibiakoitzez (20:30), Donostei kolegioak loto bikaina antolatzen du Plaza Xoko gelan. Sari ederrak dira irabazteko: bidaia; telebista, erosketa txartelak, saski hornituak etabar... Izanen da ere jateko eta edateko salgai: ogitarteko, talo eta bixkotx. Ongi etorri deneri. Bertzalde, kolegioak mus txapelketa ere antolatzen du otsailaren 2an igandez (14:30) Plaza Xokon. Izen emaiteak (12€) lekuan berean eginen dira (14:00). Lehen saria: 300€ eta bigarrena 150€. Hemen ere izanen da talo, matahami eta edateko.