Herriz Herri - Sara (L) | 2020eko Urtarrilaren 16a
Sara
.152847.jpg)
3531. zbk
Napoli ikusiz geroz hiltzen ahal zira gustuan gauza ederragorik ez da nihun ikusteko.
Italiako erran zaharra
Gure Hitza | 2020/01/16
Herria kazetaren inkesta Eta makila klaskak
Peio Jorajuria
Lerro hauen izenburuan aipatuak diren inkestak
eta makila klaskek ez dute elgarrekin deus
ikustekorik. Irakurle, zutabe hau aitzina irakurtzen
baduzu, fite konprenituko duzu bi gai
desberdinez ari naizela hor. Goazen bada.
Aspaldi bazuen Herria honek ez zuela inkestarik
egin bere barneko aferez. Azkena, uste
dut, 1996an, Gilen Irigoin orduko kolaboratzaileak
kudeatu zuena. Kasik mende laurden
bat! Menane Oxandabaratz oraingo idazleburuak
nahi izan du inkestaño bat bultza dezagun,
sinplea bezain adierazgarria, jakin nahiz
gaur nolakoa daukazuen euskal astekari hau.
Badakigu irakurle bakoitzak aurkitzen duela
astekari hontan bere bazka, gustukoa hartuz
eta gaineratekoa baztertuz. Zeren belar onaren
artetik baita beti belar txarrik ere, edo
txarra ez baldin bada ere, bederen gustu gutiagokoa.
Eta hain zuzen, batentzat ona denak
bertze bati gustu karatsagoa edo beharbada
ilaunagoa utziko dio, eta alderantziz. Eta
badira menturaz alor batzuk kazeta honek
egundaino...
