Hauteskundeak Iduriz, hiru zerrenda izanen dira heldu diren herri hauteskundeetan Hazparnen: Beñat Inchausperekin, oraiko auzapezarena, Kristian Etchettorekin, abertzaleena, Berriki agertu den Isabelle Pargade anderearena. Hirugarren aldia da Pargade anderea herriko hauteskundeetan aurkezten dela. Lehenik Xavier Larrek muntatu lista batean zen, gero oraiko auzapezarekin pasatu zen eta lehen axuantaren postua hartu. Zonbait denboraren buruan, auzapezarekin ezin akomeatuz, bere kargua utzi zuen. Ondotik Baigura-Mundarrain kantonamenduan departamenduko kontseilari izendatua izan zen Vincent Brurekin. Aldi huntan listaburu abiatzen da, Hazpandar motibatu eta engaiatu batzuekin, "nehoren kontra, baizik Hazpandarren alde". Bere zerrendakide eta programa heldu den otsailaren 8an, nahi duenari agertuko dizkio, Berria trinketean eginen duen gaualdi batean. Zerga Zerbait arrengura baduenarentzat, zergaetxeak permanentzia batzuk apailatzen ditu jendea laguntzeko gisan. Urtarrilaren 13an eginen du bat, goizean (09:00-12:00) eta arratsaldean (14:00-16:00). Hitzordurik gabe joaiten da eta bakotxak, arribatu arau, ukaiten du bere hitzordua. Urtsuko Zapetak Elkartearen aurkezpena egin da larunbatean: "Fédération Française de la Retraite Sportive " deitu elkartearen barne da. Proposatuak izanen diren ateraldiak gida diplomatu batzuekin eginen dira. Mementoan ez da egun finkorik astean; ateraldiak eramailearen disponibilitatearen arabera eginen dira. Ibiltzeaz gain, batzuetan helburu kultural bat izan daiteke ere. Iparraldean, hegoaldean edo berdin urruntxago gertatzen ahal dira. Egun baten iraupena eta menturaz asteburu bat edo zonbait egun hartuko dituzte. Elkartekide bihurtzeko, urtsukozapetak@ outlook.fr gunera joan eta behar den guzia aurkitzen da, bai eta ondoko egunetan pentsatuak diren ibilaldien berri ere. Elkartean sartu aitzin ibilaldi bat egin daiteke jastatzeko. Dena den lehen hitzordua 14an zen, Marmauko bidearen egiteko. Bide on elkarte berriari!