Urruñan, auzapez berri bat ukanen
dute martxoan. Agiantza bilkuraren
karietarat, Odile de Coral auzapezak
deplauki erran du, ja erakusterat
emana zuena egia erran, ez dela hautagai
izanen, auzapez kargua hamabi
urtez atxikia ukanik. Sustengatuko du
Francis Gavilan bere lehen axudanta.
Bi zerrendaburu badira agertuak
bestalde, Sébastien Etchebarne eta
Felipe Arramendi, hau abertzalea.
Hendaian, berriz ideki dute
erien asurantza-kutxaren
bulegoa, astean hiru egun
behin, astelehen, astearte
eta ortzegunetan, probisurki
hondartzako auzoaldean, hemendik
zonbait hilabeteren
buruan plantatzeko lehengo
prezeturtegian, Herriko Etxetik
hurbil, arte hortan obra
asko han eginik. Idekitze
hori jende anitzek berante
tsia zuten. Aldiz, kutxa horren bulegoa
zerratu dute Donibane Lohizuneko
hiribarnean bainan astean bi egunez
segituko du, asteazken eta ortziraletan,
Sagardian egoitzan, heldu den martxo
arte segurik. Kutxaz arduratzen direnen
arabera erabaki horiek hartu dira
ikusiz nun zonbat jende dabilan. Ikusiz
ere gero eta urrats gehiago egiten dela
internet baliatuz. Ahantziz ote internet
hori ez dela oraino familia guzietan sartua?...
Jean-François Larralde donibandar
ikerleak plazaratu du lan bat galdetuz
Donibane eta Ziburu parte bederen,
portua eta hiribarneko zati on bat, sailkatuak
izan diten UNESCO erakundeak
atsulutuki begiratu behar diren gune
berezien artean. Gisa hortan sailkatzeak
baluzkeela abantail handiak bi
herrientzat. Jendea mintzo da tar tar tar
proposamen hortaz. Frangok begi onez
ikusten dute gauza hori, batzuk erranez
haatik luze joan ditakeela sailkapen
horren ardiestea. Beste frango dudakor,
sailkatze hori baliosa izan ditakeela
segur bainan afera horrek badukeela
ere bere alderdi txarra....
Donibane Lohizunen, untsa bitxia kausi ditakeen
gauza bat gertatu da gauak gau, norbaitek
"sexiste" idatzi du tindu zuriz eta hitz
larriz Hordago erakustegiko berinan. Itxuren
arabera, "feminista" izan behar da hori hola
egin duena, salatu nahiz hor agertzen diren
margoak, Mattin Partarrieu artista ezagutuarenak.
Emazteak ez dituela behar bezala
tratatzen. Biziki pollitak margotzen bainan sobera
arinki bezti, zaiak bereziki aise laburregi.
Bakoitxak bere gustu, badira margolari jeinutsu
horren obrak maite dituztenak eta badira
ez dituztenak maite. Dugun erran haatik anitz
tokitan ikusten ahal direla eta ez dutela ustegabetarik
bildua aspaldian duten arrakasta....
Hendaian, biziki besta sanoak
eta alegerak izaiten dira
urtarrilean muntatzen direnak,
urteko lehenetarik beraz, Jondoni
Bixintxo herriko patroin
sainduaren ohoretan. Aurten
ere, bi asteburuz segidan,
izanen da mugimendu eta airostasun!
Lehen hitzordua ortzirale
huntan (18:30), Pellot
kortsario famatua, Azeria deitzen
zutena, berriz jinen baita
itsasoz bere herrirat, Neskatxa
bere lagunarekin, zernahi
haur, untsa polliki jauntziak,
heien biderat joanik, Kanetako
porturaino. Denak gero bilduko
dira Herriko Etxearen aitzinean
eta hor idekiko dira bestak!
Ondotik, ausagailu frango, besteak
beste ondoko asteburuan
ikusiko den danborrada nagusiaren
errepika. Arratsean, Jondoni
Bixintxo elizan kontzertu
bat Zaria abesbatzarekin, Imanol
Elizasu zuzendari, sartzea
urririk. Larunbatean (15:00),
mus lehiaketa Ondarraitzen.
5etan, euskal dantza ikusgarria
Daniel-Ugarte plazan, Akelarre
elkartearen 45 urteak ospatuz.
Pintxo Pote (19:30) Herriko
Etxearen aitzineko...
Ziburun, urteak jin eta urteak joan, beti berdin
atxikiak dira Jondoni Bixintxo sainduak
ekartzen daizkioten herriko besteri. Aurten
ere, besta-komiteak, Jojo Aramburu elkarteburu,
egitarau nasai eta herrikoia badu moldatua.
Bestak ortziralean hasiko dira (14:15),
eskoletako haurrekin, auzapezak haur horieri
botatuz herriko giltzak. Ondotik saristatuko
dira haurren arteko marrazki lehiaketan
hobekienik sailkatu direnak. Bereziki Gabriel
Ricau, San Mixel eskolan dabilan 10 urteko
mutiko hunek egin marrazkia berexia izan baita
besten afixarentzat. Mus lehiaketa (20:00)
Cathy ostatuan eta mutxikoak herriko plazan.
Larunbatean (16:00), trial ariketak pilota
plazan. Poteo Ziburu Euskaldun taldearekin
(18:00). Kontzertua Harrabost taldearekin
(22:00). Dantzaldia Pacha Mamarekin (23:00).
Igandean (9:00), tiroka lehiaketa. Meza nagusia
Jondoni Bixintxo ohoratuz (10:30). Odolki
egileen xapelketa herriko plazan (11:30).
Eguerditan, ondo hartan berean, zintzur...
Lerro hauen izenburuan aipatuak diren inkestak
eta makila klaskek ez dute elgarrekin deus
ikustekorik. Irakurle, zutabe hau aitzina irakurtzen
baduzu, fite konprenituko duzu bi gai
desberdinez ari naizela hor. Goazen bada.
Aspaldi bazuen Herria honek ez zuela inkestarik
egin bere barneko aferez. Azkena, uste
dut, 1996an, Gilen Irigoin orduko kolaboratzaileak
kudeatu zuena. Kasik mende laurden
bat! Menane Oxandabaratz oraingo idazleburuak
nahi izan du inkestaño bat bultza dezagun,
sinplea bezain adierazgarria, jakin nahiz
gaur nolakoa daukazuen euskal astekari hau.
Badakigu irakurle bakoitzak aurkitzen duela
astekari hontan bere bazka, gustukoa hartuz
eta gaineratekoa baztertuz. Zeren belar onaren
artetik baita beti belar txarrik ere, edo
txarra ez baldin bada ere, bederen gustu gutiagokoa.
Eta hain zuzen, batentzat ona denak
bertze bati gustu karatsagoa edo beharbada
ilaunagoa utziko dio, eta alderantziz. Eta
badira menturaz alor batzuk kazeta honek
egundaino...
