Elektrika mozte Lan batzuk egiteko ENEDIS enpresak elektrika mozte batzuk eginen ditu heldu den astelehenean 20an (9:00- 12:00). Arruntza auzoa da gehienik hunkia izanen. Kontutan hartzeko. Mezak telebistatik Heldu diren hiru asteburuetan igandez, 19an, 26an eta otsailaren 2an Euskal Telebistak zabalduko ditu hiru meza Uztaritzetik, bainan Arruntzako elizatik. Beti bezala meza horiek bezperan (beraz 18an, 25an eta otsailaren lehenean) grabatuak izanen dira (19:00). Euskal Herri osoak ikusten ahalko ditu bai eta ere diasporako euskaldunek Ameriketaraino Internet bidez. Jendea gomitatua da handizki parte hartzera. Kantu afari Integrazio batzordeak eta Uztaritzeko AEK-ak antolatzen dute kantu afari bat Latsa elkartean urtarrilaren 31n ortzirale (19:30). Afariaren prezioa finkatua da 18 eurotan (euskotan ere ordain ditake). Izenak aitzinetik emaitea galdatua da telefono huntara: 05 59 70 30 74, urtarrilaren 27ko azken epea. Kiki Bordatxok alaituko du gaualdi hori. Ongi etorri hoberena segurtatua izanen da.