Hegoaldean | 2020eko Urtarrilaren 16a
Zinema
Aurten hirugarren urtea izanen
da Zinema eta zientzia zikloa
antolatzen dutela Euskadiko
Filmategiak eta DIPC Donostia
International Physics Centerrek.
Edizio hau, gainera, Donostiako
Zinemaldiarekin elkarlanean
apailatu dute. Kultura zinematografikoa
eta zientifikoa uztartzea
eta biak batean zabaltzea da
ziklo honen xedea. Horretarako,
zientziarekin lotura duten 11 film
izanen dira ikusgai. Zientzialari
ospetsuek aurkeztuko dituzte
emanaldiak, Donostiako Tabakaleran
eta Bilboko Arte Ederren
museoan.
Zinema eta zientzia izeneko
zikloa urtarrilaren 10ean hasi
da eta martxoa arte iraunen
du. Filmak ikusteaz gain, bortz
mintzaldi entzuten ahalko dira.
Emanaldi gehienak Donostia eta
Bilbon iraganen badira ere, horietako
bat Donibane Lohizunen
preziatzen ahalko da, Select zinema
gelan, urtarrilaren 21ean.
Hegoaldean | 2020/01/16
EAJ alderdiak jakinarazi du
alderdiaren zuzendaritzan aldaketak
eginen dituela. Uztailaren
11n eta 12an Bilbon ospatuko
den alderdiaren VIII. Batzar Nagusian
hautatuko ditu EBBko
lehendakaria eta zuzendaritza
berria. Andoni Ortuzar orain
arteko presidenteak eman du
horren berri, baina ez du salatu
karguan segitzeko xederik baduen
ala ez. Haatik ez du baztertzen
postu horretan segitzea,
militanteek proposamen hori
egiten badute, nahiz eta bera
"txandakatzearen aldekoa" den....
Irakurri segida
Hegoaldean | 2020/01/16
Urtarrilaren 14an bete dira zortzi
urte Jose Luis Enparantza Txillardegi
hil zela. Urteburu hori
seinalatzeko, bi ekitaldi ospatu
dira, Txillardegi Udal Liburutegia
Herri Ekimenaren eskutik, hizkuntzalari,
pentsalari eta eleberrigilea
omentzeko.
Urtarrilaren 9an, "Txillardegiren
Santa Klara uharte maitea"
mintzaldi eta bideo emanaldia
egin dituzte Parte Zaharreko
San Jeronimo karrikako liburutegiko
kriptan. Elixabete Garmendia
kazetariak "Santa Klara
Uhartea" Txillardegiren liburua
aurkeztu du.
Bestalde, urtarrilaren 12an, Josu
Tellabidek "Txillardegiren Antigua"
ibilaldi gidatua kudeatu du.
Egun horretan berean, omenaldi
ekitaldia egin dute Mikel Antza
idazleak eta Eneko Sierra saxofoi-
jotzaileak Txillardegi plazan,
duela bi urte margotua izan zen
horma irudiaren aitzinean....
Irakurri segida
Hegoaldean | 2020/01/16
Duela zenbait aste Iñaki Abad
eta Aratz Urrizolari hirugarren
gradua onartu ondoan, espetxe
zuzendaritzak bigarren gradua
eman die Oihan Arnanz, Jokin
Unamuno, Adur Ramirez de
Alda, Jon Ander Cob eta Julen
Goikoetxeari. Ondorioz, Zaballako
presondegitik noizbehinka
ateratzeko baimena galdegiten
ahalko dute hemendik aitzina.
Espetxe Zuzendaritzaren erabakia
jakinarazia izan zaie bortz
gazteei beren kondenaren laurdena
bete dutenean. Erabaki
hau epe ertainera hirugarren
gradua erdiesteko urratsa da....
Irakurri segida
Hegoaldean | 2020/01/16
Osatu berri den Espainiako
Gobernuan euskal jatorriko hiru
ministro izanen dira. Arancha
Gonzalez Laia legelariak beteko
du Atzerri, Europar Batasuna
eta Lankidetza ministro kargua.
Tolosan sortua da 1969an. Nazioarteko
Merkataritza Zentroko
(ITC) zuzendari exekutiboa da,
hots, Nazio Batuen eta Munduko
Merkataritza Erakundearen
agentzia bateratuko kidea, garapen
bidean diren herrialdeetako
enpresak lehiakorrago
bihurtzea helburu duena.
Zuzenbide ikasketak egin zituen
Nafarroako Unibertsitatean eta
Europako Zuzenbidea landu
zuen Madrilen. Sei hizkuntza
mintzatzen ditu: gaztelania, euskara,
ingelesa, frantsesa, alemana
eta italiera.
Mementoan, Genero-berdintasunaren
aldeko Txapeldunen
Munduko Kontseiluko buru da,
eta Munduko Ekonomia Foroaren
Merkataritzaren Etorkizunari
eta inbertsioari buruzko Kontseiluko
presidentekide.
Euskal Herrikoak diren bertze
bi ministro ere izanen ditu Sanchezen
koalizio-gobernuak:
Isabel Celaak (Bilbo, 1949) Hezkuntza
eta...
Irakurri segida
Hegoaldean | 2020/01/15
Eusko Jaurlaritzak Ekonomia
Zirkularraren Estrategia onartu
berri du. Urrats honen helburua
da 3 000 enplegu berri sortzea
hemendik 2030era eta CO2 isurketak
%26 murriztea.
Eredu ekonomiko horri esker
Euskadi Europako erreferentziazko
eskualde gisa kokatuko
dela uste du Iñaki Arriola Eusko
Jaurlaritzako Ingurumen sailburuak.
Planaren xede nagusia
ekoizpenen bizi-zikloan ingurumen-
inpaktua murriztea da.
Estrategiaren neurrietako bat da
2030ean merkaturatuko diren
plastikozko ontzi guziak birziklagarriak
izatea.
Mementoko, EAEko industria
sektorean 18 400 enplegu
daude, nonbait han, jarduera
horrekin lotuak, lanpostu guzien
%2 baino pixka bat gehiago....
Irakurri segida
