Uda honetan AEK-k Iparraldean ikastaldiak eginen ditu. Koronabirusak eragindako izurritearen ondorioz, zuhurrena Urepeleko barnetegiak ezeztatzea zela deliberatu dugu. Aldiz, kanpo-ikastaldiak eskaintzen segituko dugu, beti ere segurtasun eta garbitasun neurriak artoski errespetatuz. Eusko Ikaskuntza eskertu nahi genuke, ikasleen artean segurtasun distantziak mantendu ahal izateko, gure ikasgela gehienak baino handiagoa den haien Baionako gela utziko digutelako. Aurtengo aldaketa nagusia beraz, barnetegien ordez kanpo- ikastaldiak eginen direla da. Uztail osoan zehar ukanen ditugu kanpo-ikastaldiak, denak Baionan, eta agorrileko lehen astean Hazparnen. Zuberutarra ikasi nahi duenak ere parada ukanen du, uztailaren 27tik agorrilaren 1era, baina aurten barnetegiaren ordez kanpo-ikastaldia izanen da. Bestalde, apirileko eskola oporretarako antolatua genuen B1 azterketa prestatzeko ikastaldia agorrilaren azken astean eskainiko dugu, Baionan hau ere, EEP-k B1EA azterketa urrira pusatu...

92 urtetan pausatu da Terexa Seguin andere euskaltzalea. Donostian sortua zen, Michel Leremboure aita han zagoela mediku. Geroxeago Sara Hautziartera etorri zen familia, aita Sarako auzapez ere egon zela zenbait denboraz, Paul Dutournier aitzin. Terexa ezkondu zen 1954an Louis Seguin- ekin. Hau Baionako Izarra enpresako burua egon zen luzaz, eta obra askoren sustatzailetarik ere izan zen, hala nola Atherbea zentroa, “Les Mouettes” egoitza eta Elikagai Bankuarena. Terexak bere aldetik margolaritzan bazuen talendu, Helene Elissague doni- bandarra eta Gaspar Montes Iturrioz irundarrarekin bereziki ikasirik. Bere obrak asko tokitan erakusteraino, Donostian, Miarritzen, Milafrangan, Baionan, Angelun, Donibane Lohizunen, Kanbon, Parisen, Whashingtonen... Arrakasta handiko erakusketak, orokorrean. Euskaltzale suharra ere zen Terexa, euskararen defendatzaile kartsua, alor frangotan eta bereziki elizarenean. Ines Larroulet zena adiskide mina zuen eta biek zuten sortu Fededuna elkartea, g...