Kontseiluko bilkura Iragan da gan den ortzirale arratsean, lehenik Euskal Elkargoan parte hartuko dutenak Jean-Baptiste Laborde Lavignette auzapeza eta Maritxu Ariscorreta bigarren axuanta izanen dira. Gero egin dituzte axuanten karguak: Barneix Stephane lehen axuantak, obrak eta urbanismoa. Arizcorreta Maritxu, 2. axuanta, haur saila eta eskolak. Jauregui Jean- Michel, 3. axuanta, diruzaina eta Herriko Etxeko eskuartekoak. Garbiso Elizalde Sophie, 4. axuanta, soziala eta komunikazioa. Jauregui Basurko Patxi, 5. axuanta, kultura, euskara, kirolak eta elkarteak. Errandonea Carmen, 6. axuanta, laborantza, ekologia eta ingurumena. Axuanten kargu horiek denen artean bozkatuak izan dira, erran nahi baita, oposizionea akort zela gauza horiekin. Erran behar da “Har Hitza” zerrendako hiruak, komisione gehienetan barne direla, berek galdeginik eta denen artean onetsia. Hola ikusiko dute nola lan egin behar den, baita beren ideiak eramanen. Hori gauza ederra da, uste dut hautetsi guziek kargualdia ongi eramanen dutela, zeren denek nahi dituzte gauzak ongi egin herria gora joan dadin, baita ere herritarrak denek beren maneran lagundu. Suerte on zueri badituzue sei urte herria gora altxatzeko.