Bi hilabetez xapinetan konfinatuak egon ondoren, ateratzeko ordua jina da. Gure zangoek ere atentzio berezi bat merexi dutelako, espartin berriak eta originalak proposatzen dituzte bi ikastolek. Azkarateko Munhoa eta Garaziko Ikastolen proiektua da. Manatzeko ikastolak.zatizz.com weborriaren bidez egin daiteke. Kartaz pagatzen da. Ikastolan edo etxean eskuratzen ahalko dira. Hiru modelo desberdin proposatuak dira: "Haika mutil", "Zaindu", "Gure bazterrak". Bakotxan kantu batetako esaldi labur bat irudikatua da. Zatizz enpresarekin arizan dira, ikastolako buraso bat aktibitate hortan lanean ari baita, proposamena egin du. Barnekaldeko enpresa da, espartin pertsonalizatuak sortzen dituzte. Haiek proposatu dute diseinua. Espartin lantegia Maulen da eta dena han ekoiztua izan da: oihala bertan inprimatua, espartina eskuz josia eta soka eskuz trezatua. Zinez kalitatezko produktua da. Ikastolak hestea behartuak izan dira eta bertako langileak langabezia partzialean gertatu dira. Garaziko eta Munhoa ikastoletan langileen lan-sariak osotasunean atxikitzea erabaki dute. Ekitaldi guziak ezeztatuak izan dira (Herri Urrats, Nafarroaren Eguna, ikastolaren lotoa, bixkotxa eta talo salmentak, antzerkia...), diru sartzerik gabe izanez, behar gorriari erantzuteko ideia berri hau atera da. Segur arrakasta ukanen duela, nork ez du espartin pare baten beharra udari begira!