Heriotze Gure Ametsako Mayi Goñi, sortzez Oxoby, zendu da Parisen, 83 urtetan. Gaztettobordan sortua zen. Arrunt gazterik Parisera segitu zuen Laxoenera etortzen zen udatiar familia bat, sehi bezala. Eta orduz geroz Parisen iragan ditu kasik 70 urte. Urte andana batez sehi egon ondoan, etxezain (concierge) egon zen imuble batean zenbait urtez. Euskal Etxean eginik Jean-Baptiste Goñi zuraidarraren ezagutza, harekin ezkondu zen eta seme bat ukan zuten, Jean-Léon. Apartamendu bat erosi zuten 15. arrondizamenduan. Senarra kolegio batean ari zitzaion sukaldari lanetan. Bidarrai Mayi, aldiz, menaiu egiten hasi zen etxetan. Senarrarekin urtero etortzen ziren Bidarrairat, Jeannot anaiaren Ondikolako lurretan 1970ean eraikitako Gure Ametsa etxerat. Senarra galdua zuen haatik duela zazpi/zortzi urte eta geroztik etzen gure herrirat itzulia. Berriki arte aski pixkor zagon bainan gaizkiturik eritetxera eramana izan da eta han da pausatu. Joan den asteartean iragan dira ehorzte elizkizunak Saint Antoine de Padoue elizan. Gure partetik Jean-Léon semeari, hunen hiru seme-alaberi eta Mayi zenaren ahaidego guziari gure atxikimenduzko agurrak