Herriz Herri - Aiherra (NB) | 2022ko Abenduaren 08a

Euskaraldia - Téléthon - Xalbat eta Allande finalean - Hirugarren adinekoen bazkaria

Euskaraldia%20-%20TAlAthon%20-%20Xalbat%20eta%20Allande%20finalean%20-%20Hirugarren%20adinekoen%20bazkaria

Euskaraldia - Joan den ostiralean bururatu zen Euskaraldiaren hamabostaldia, dantza emanaldi batekin, Denen Etxean. Hamar bat herritar baizik ez bazen hurbildu mutxiko eta beste dantza ezberdinen emaiteko, giro ona zuten beren artean ondotik bakoitzak ekarri edari eta janariak partekaturik. Aurten Beltzuntze elkarteak 4 animazio ezberdin proposatu ditu, arrakasta handiena izan zuen Pontx pailazoak, eskola desberdinetako 125 haur hurbildu baitziren hunek eskaini euskarazko ikusgarriaren gozatzera. Eskolatik kanpo euskara ez da zorigaitzez baliatzen haurren aktibitateetan (pilota, errugbi, zango-baloi eta beste…), edo gutitan baizik. Euskararen transmisioa segurtatzekoz, euskararen erabilpena indartzea haurrekin eta helduen artean beharrezkoa dela entzun da, aurtengo Euskaraldian. Beltzuntze elkartea bide horren jorratzen ari da eta haurreri doakienez gogoetak eramaiten ditu, proposamen berri bat eskaintzeko asmoz. Gauden beha.

Téléthon- Joan den ibiakoitz goizean, 15 bat herritar motibatuk Abarratia gainerateko ibilaldian parte hartu zuten, denbora hotza edo txarra izanikan ere, téléthonaren sostenguz. Ibilaldian parte hartu izan ez dutenek oraino sostengua ekartzen ahal dute, beren emaitza Herriko Etxean utziz.

Xalbat eta Allande finalean– Esku-huska mutikoetan Abarratia batasuneko Xalbat Duhalde eta Allande Martinon pareak finala jokatuko du, artekoen mailan, heldu den igandean (16:00), Irisarriko trinketean, Denek Bat-eko Raphaël Lagourgue eta Patxi Lelandais-en kontra. Jakinez partida hunen ondotik helduek ere beren finala hor berean jokatuko dutela (17:00). Horra arratsalde eder baten mentura.

Hirugarren adinekoen bazkaria - Abenduaren 17an, Goiti Aire hirugarren adinekoen elkarteak urtearen ongi bururatzeko asmoz, bere kideak mahai on baten inguruan elkarretaratzera gomitatzen ditu. Bazkaria Auxotea ostatuan eginen da, 35€ren truk arnoa eta kafea barne: kir, kuia krema, legatza espainol moduan, pinttarra onddoekin, lursagar gratinatuak, entsalada, ardi gasna-gerezi erreximenta, bixkotx izoztua, kafea, arno beltza edo gorria. Izenak abenduaren 9a aitzin eman behar dira Jacky Biscayri (06.38.01.35.28) edo Jeanine Garrari (06.82.32.50.02).

Email Buffer Facebook Google Twitter Pinterest LinkedIn Digg StumbleUpon Tumblr

3673. zbk

Gure Hitza | 2022/12/08

BERTSU GIROAN

Jean-Louis Harignordoquy

Beti izan dira bertsuari graziarik hartzen ez dioten euskaldun zonbait, ez zaiotelako ulergarri iduritzen. Hortarako, bere denboran, Piarres Lafittek izkiriatu zituen bertsugintzaren arauak. Aise berantago, zendu berri den Jean-Pierre Mendiburu heletar bertsulariak liburu batean gauzarik beharrenak esplikatu zizkigun. Gipuzkoan Xanti Iparragirrek abiatua zuen ildotik, geroago Ernest Alkhat eta Aitor Sarasua goizegi zenduen ikasle ohiak dira gaur ezagunak diren Iparraldeko bertsulari eta bertsuzale frango. Oroit gaiten bertsulari onak ziren lehen erakasle haiek erein hazitik datorrela oraingo emaitza.

Nahiz bertsularitza ez den xapelgoetara mugatzen, nola ez aipa Iruñean beharra den gertakari historikoa. Nafarroa Arenan jokatuko den Euskal Herriko Bertsulari Txapelketaren azken haitadan milaka bertsuzale bilduko dira. Euskal irratiek eta telebistak zuzenean hedatuko dituzte goizeko eta arratsaldeko saioak. ...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016