Herriz Herri - Irisarri (NB) | 2022ko Abenduaren 08a
Haurren jostalekua - Eskubaloia - Pilota
Haurren jostalekua
Berritze lan batzu eginik, haurren jostalekua berriz irekia da, segurtasuna eta erosotasuna ekartzeko beharrezko lanak eginak izan dira. Soropila ere sintetikoa ezarria izan da. Antolaketa horieri esker haurrak gostuan jostatzen ahalko dira, segurtasun gehiagorekin.
Beraz oraindanik jostatzera jiten ahalko dira.
Eskubaloia
Nazional2 mailan lehen taldeak 28/26 irabazi du Beglen. Emaitza biziki ona, sailkapenean aitzinerat pasatu baitira, hiru hozka irabazirik.
Nesketan prenazional mailan Kanbo-Irisarrik 34/25 irabazi du Agenen kontra. Donapaleun 2. taldeak galdu du. Erregional mailan 18 urtez petik den taldeak 44/28 irabazi du Agenen.
Larunbateko partidak hauek dira. Prenazional mailan gizonen 2. taldea Lormont hirira joanen da (19:00). Frantziako xapelgoan, 18 urtez petikoek Atharratzen Castanet Ramonville errezebituko dute (19:00). Neskak prenazional mailan, Kanbo-Irisarriko 1. taldea Bordelen ariko da (20:00). Erregional mailan 18 urtez petik den taldeak Mont de Marsan errezebituko du (19:00) eta 2. taldeak (21:00) Buros.
Pilota
Esku-huska
Azken aldian aipatu bezala gure adineko pareek multzoetako bigarren partea zuten jokatu. Lehen mailako Etcheto-Dufauk nekez bada nekez, beren burua salbatu zuten azken partida irabaziz Lau Herriren kontra. Hirugarren mailako Etchevers-Chamalbide parearentzat gauza bera gertatu da Noizbaitekoari nagusituz.
Berri onekin segituz, Etchevers-Bidart gure gazteek joan den igandean Irisarriko trinketean Iparraldeko Pilota Batzordearen finala jokatuko dute. Multzoko partida guziak errexki irabazirik, bainan finalerdietan doi doietarik 40-39 Azkaindarrak taldearen parean atera dira.
Finalen eguna
Iparraldeko Pilota Batzordearen gerizapean, Irisarriko Herria trinketean gaitzeko egunaren menturan gaude, igandean, abenduaren 11n. Gazteen finala Irisartarrak/Atzarri (10:00), ondotik 2. maila Atzarri/Zaharrer Segi. Arratsaldean (16:00), artekoen finala iraganen da Denek Bat/Abarratia eta lehen mailan Denek Bat/Urruñarrak.
Beraz pilotaren egun gaitza Irisarri aldean, deneri gomita zabaldua da!
