Herriz Herri - Baigorri (NB) | 2022ko Abenduaren 08a

Kantaldi - Kantu afaria - Xan Mousques

Kantaldi%20-%20Kantu%20afaria%20-%20Xan%20Mousques

Kantaldi

“Zabaltzen”, hola deitzen da Erramun Martikorenak berriki plazaratu duen 10. diskoa. Huntan eman dituen kantuak, besteak beste: “Zuti neska ta mutila”, “Haurkina”, “Maiatza”, “Haur Andaluz bati”, “Ama” edo “Iturritik itsasora”. Baigorriko elizan eskainiko dauzkigu, abenduaren 9an, ortziralez (20:00).

Kantu afaria

Eta biharamunean ibiakoitzez, abenduaren 10a, kantu afaria dugu Bixentainean, Frantxiskok alaiturik (20:30). Prezioa 20 euro. Izenak eman zenbaki huntan: 06-24-97-34-82. Baigorriko ikastola antolatzaile. Ez ahantz kantu liburuxka.

Xan Mousques

“Aviron Bayonnais”-en ari den Xan Mousques baigorriar errugbilari gaztea berriz hautatua izan da Frantziako 20 urtez petikakoen taldean artzeko. Portugaleko Faron iraganen diren trebatzetan parte hartuko du, abenduaren 5etik 12ra. Goresmenak Xan!


Email Buffer Facebook Google Twitter Pinterest LinkedIn Digg StumbleUpon Tumblr

3673. zbk

Gure Hitza | 2022/12/08

BERTSU GIROAN

Jean-Louis Harignordoquy

Beti izan dira bertsuari graziarik hartzen ez dioten euskaldun zonbait, ez zaiotelako ulergarri iduritzen. Hortarako, bere denboran, Piarres Lafittek izkiriatu zituen bertsugintzaren arauak. Aise berantago, zendu berri den Jean-Pierre Mendiburu heletar bertsulariak liburu batean gauzarik beharrenak esplikatu zizkigun. Gipuzkoan Xanti Iparragirrek abiatua zuen ildotik, geroago Ernest Alkhat eta Aitor Sarasua goizegi zenduen ikasle ohiak dira gaur ezagunak diren Iparraldeko bertsulari eta bertsuzale frango. Oroit gaiten bertsulari onak ziren lehen erakasle haiek erein hazitik datorrela oraingo emaitza.

Nahiz bertsularitza ez den xapelgoetara mugatzen, nola ez aipa Iruñean beharra den gertakari historikoa. Nafarroa Arenan jokatuko den Euskal Herriko Bertsulari Txapelketaren azken haitadan milaka bertsuzale bilduko dira. Euskal irratiek eta telebistak zuzenean hedatuko dituzte goizeko eta arratsaldeko saioak. ...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016