Zeramika merkatua

Maiatzaren 6 eta 7an, lehen aldikoz zeramika merkatua iraganen da, hitzordua merkatu estalian.

Egun horretan, tokiko eta urrunagotik etorri 30 zeramistek beren sorkuntzak erakutsiko dituzte.

Bisitariek artistek lanak moldatzeko erabiltzen dituzten teknikak ezagutzeko parada ukanen dute. Modelaketa tailerrak ere proposatuak dira, haurrak eta helduak trebatzeko gisan. Zeramikarik ederrenaren lehiaketa iraganen da, ibiliko direnek gustukoena duten sorkuntzaren alde bozkatzen ahalko dute.

Etorbide migratzaileen harrera elkarteak bazkaltzeko taloak proposatzen ditu, bai eta Aljeriako opil tradizionalak, han berean jateko eta edateko parada izanen da.

"Vigneronnes" filma

Vauban zinegelan maiatzaren 6an (20:00) "Vigneronnes" filma ikusgai izanen da, Irulegiko arno sindikatuaren eta Irulegiko Sotoaren partaidetzarekin.

Emazte mahastizain hauek aitzindari izan dira, arnoaren sekretuak argitzeko eta mundu osoan ezagunak diren nektarrak garatzeko. Film horretan mahastietan sasoi desberdinetan egin bidaiaren bidez, emazte mahastizainen ezagutza eginen da.

Kontzertuak Zitadelan

Maiatzaren 6an, Garaziko Gaztetxeak gaualdi punkia proposatzen du, Zitadelako kanpoaldean (20:00).

Lau talde ariko dira: Katu (Durango), Varlin (Okzitaniako Tolosa), Azken Oroimena (Biarritze) eta

Kuma No Motor (Baiona). Sartzea 5€tan. Hain segur Donibaneko harresiek inarrosaldia bilduko dute!