Piarres Larzabal kolegioko 6. eta 3.eko ikasleek euskara kurtsoetan bertsularitza landu dute eta aldi berean, Bertsularien Lagunak elkartetik etorritako Irati Alcantarilla bertsu irakaslearekin sei saio igaro dituzte, gai honetan trebatzen.

Lanketa horri bukaera polit bat emateko asmoz, oporrak aitzin, Josu Txoperena eta Xabat Illarregiren eskutik, ikasleei bertsu emanaldia eskainia izan zitzaien, kurtsoetan ikasitako doinu eta joko ezberdinak bat-batekoan gozatuz.

Milesker deneri eta bereziki Bertsularien Lagunak elkarteari!

Aitzineko astelehenez, goiz feminista antolatu dugu Bernart Etxepare lizeoan.

Alde batetik, 2.eko ikasleek, hezkidetza parekidearen bidean, indarkeria matxistaren prebentzio tailerretan parte hartu dute. Neskekin autodefentsa feminista landu da eta mutikoekin maskulinitate berriak.

Lehen eta terminaleko ikasleek "Emaztea euskal jendartearenerdiguneetan" solasaldietan parte hartu dute. Ikasleei solasaldi andana proposatu nahi dizkiegu, gure jendarteko arlo ezberdinetako problematika batzuen inguruan eztabaida ezarriz.

Lehen-lehenik partekatzeko eguna izan dadin, lizeoko ikasle, langile eta gomitatu emazteen artekoa.Baina dudarik gabe, gogoetari eta bizipenei lekua eman nahi diegu, heziketa gune gisara, euskal jendarte hobea ipar izanik, eraldaketan eragile izanen diren ikasle euskaldunak nahi ditugulako. Xede horretan feminismorako heziketa bultzatu nahi genuke.

"EH feminista izanen da edo ez da herria izanen"! Lizeoko...

"Zertako beha ürgüllüa bai eta anbizionea / Betiz geroztik egin düe horiek nahaskeria / Irustarzünik ederrena da erresumetan... Bakea"

Etxahun Irurik hala zion Zantxo Azkarraren ahotik... Bena bakeala heltzeko zonbat gerla!

XIRUko 33. edizio hau pastoraletik hasi eta pastoralarekin ürrentü zaikü. Bidajeak güntüan aipagei, halako izan da, denboran bezain espazioan, "alde eta aldian", Txomin Peillenek aipatzen züan bezala! 1963ko Zantxo Azkarra Gotainen sortü pastoraleko filma ediren, bildü, sonüa, irudia, montatü, sinkronizatü. Kanaldude herri telebistaren partaidegoa baliosarekin, hortan nabaritzen beita aüzoen beharra badügüla beti! Gaüaldi honkigarria zinez, zeren ordünko aktür saldottoa ere hor beitzen, 60 urte berantago, bai eta film egilea bera, JP Gestin Bretoia, ordüan 26 urteko gaztea beitzen! Memoria bizia, informatikan dioen bezala. Eta Pazko igante arratsalde ekitsüan, berriz pastorala jeiaren ürrentzeko, "Ketariatik Mundura",...

Gaur egun, Ipar Euskal Herrian lurra eta etxebizitzaren gaia jendarteko egitura zein herritarren arteko eztabaida guzien erdigunean emana da: lurren desagertzea, bigarren etxebizitzen bilakaera, AirBnb fenomenoa, espekulazioa, mobilizazio eta ekintzak, hautetsien eta instituzioen neurrien hartzea...

Gai garrantzitsu honen inguruan, Euskal Hedabideak elkartea osatzen duten Kanaldude, Euskal Irratiak, Kazeta.eus, Ipar Euskal Herriko Hitza eta Herria euskarazko hedabideak elkarlanean, "Euskal hedabideak lau haizeetara" saio berri bat eskainiko dute maiatzaren 10ean asteazkenez (19:00), hots, "Herrian bizitzeko erronkak" izeneko emankizun berezia.

Larzabaleko Espelletenia ostatuan grabaturik, Euskal Hedabideetako kazetariek gidaturik, egungo egoeraren berri eman eta hainbat gomita ukanen ditugu gure artean, gai honen aztertzeko eta izan daitezkeen tresnak edo(ta) aterabideak aipatzeko:

À¢Æ'' Filipe Aramendi, Urruñako...