Ikas bi

Sarako eskola publikoa duela 40 urte, 1983an, antolatu zen haurreri eskolan euskara erakasteko. Karia hortara apirilaren 26an, asteazkenez, zeremonia bat egina izan da. Pontx pailazoak erakusketa eman du, denak izigarri kontent ziren, partikularki haurrak. Mintzaldia aitzin haurrek bi kantu eman dituzte, handiek "Ikasi nahi dut" eta ttipiek "Behin betikoz". Battitt Laborde auzapezak, deneri ongietorria desiratu du, izigarri kontent agertu da eskola publikoan ere euskara haurrek ikasten dutela eta agian anitz urtez. Ondotik Saint-Pée senatorea, departamendua, eskoletako buruzagia, Ikas Biko lehendakaria eta bertze batzu mintzatu dira, denek gauza bertsuak errateko. Antolatua izan zelarik Paul Milhet zen zuzendaria eta orduetan 80 bat haur baziren, geroztik ttikituz joan da, orain bakarrik 50 bat dira. Erran behar da lehen Saran ikastolarik ez zela, horrengatik eskola publikoan haur gutiago dira zeren ikastolara joan baitira. Elkarretaratze hori bukatzeko izan da zintzur bustitzea pintxoekin.

Abisu

Maiatzaren 8a beteranoen eguna meza Saran (11:00), lore ematea hilarrietan eta ondotik aperitifa Herriko Etxeak ofreitua. Maiatzaren 13an gau pasa kiroldegian gaztetxeak antolaturik. Maiatzaren 18an Salbatore, komunione ttikia Senpereko elizan.

Pilota

Errebotean 2. mailan: Arribillaga Eneko, Mounho Eneko, Iribarren Unai, Hariñordoquy Alain eta Iribarren Oihan galtzaile 13-05 Zaharrer Segiren kontra.