Serge Grattepanche Elizalarria etxeko bizitegi batean zegoena 59 urtetan zendu da. Sortzez Frantzia iparraldeko Caudry herrikoa zen, duela 10 bat urte Izturitzerat jina. Zenbait denboraz Lekuineko Boncolacenpresan lan eginik, azken urteak osagarri arrangura larriekin iragan ditu. Duela 2 hilabete agertu zitzaion minbiziak du ereman. Hemen gaindi bere auzo hurbilekoez bestalde nehor gutik zuten ezagutzen. Haren gorputza, familiakoek sorterri alderat joan dute erraustua izaiteko.

Beste heriotze bat ere badugu herrian. "Pausalekua" xaharretxean pausatu da Michel Amade Xantxoteiko nagusia. Uztaritzetik jinik,aspaldi herritartua eta herritik kanpo ere ezagutua baitzen hobeki aipatuko dugu ondoko egunetan. Anartean jakin ezazue bisita egiten ahalko zaiola Hazparneko hil etxean otsailaren 14an ostiral arratsaldez (13:30-14:30). Zeremonia ttipi batetik landa, haren gorputza Biarritzen erraustua izanen da. Familiari doluminak oraidanik.