Herriz Herri - Baiona (L) | 2025eko Otsailaren 13a

Kontzertua - Mus - Hitzaldia - Jean Etxepare - Hitzaldia

Kontzertua

Otsailaren 15ean larunbat arratsean (19:00), Nabasi taldeak kontzertua emanen du Kalostrapen. Euskaraz izanen da eta urririk.

Mus txapelketa eta kontzertua

Otsailaren 16an, Estitxu kolegioak mus txapelketa antolatzen du Zizpa gaztetxean (10:00). Ekipaka 22 euro ordaindu beharko dira. Izenak emateko: 06-88-33-65-65 edo 06-82-48-90-78.

Ondotik (18:00), Gurashow taldeak kontzertua eskainiko du. Jateko eta edateko izanen da tokian berean.

Hitzaldia

Otsailaren 17an (18:00), Itxaro Bordaren mintzaldia iraganen da,“Hitzak eta isiltasunak: emazteen euskarazko poesiaz”gaiaren inguruan. Euskaraz izanen da bat-bateko itzulpenarekin. Hitzordua Henri Grenet auditorioan emana da.

Jean Etxepare

Otsailaren 18an (17:30), Jean Etxepareri buruzko erakusleihoaren aurkezpena iraganen da, ondotik idazlearen obra eta pertsonaren inguruko dokumentu argitaragabe batzuk ikustera emanen dira Hiri Barneko mediatekan. Izen emateak:05-59-59-17-13.

Hitzaldia ihauteriei buruz

Otsailaren 21ean (19:00), Thierry Truffaut-ek mintzaldia eskainiko du“Ihauteria ulertu euskal eta gaskoi tradizioei esker”gaiaren inguruan. Hitzordua Gurutze Sainduko mediatekan emana da, frantsesez izanen da eta urririk.

Injustiziaren olatuan

Ainhoa Etchenique

“Injustizia” definitzeko zaila den hitza da, bakoitzak baitu bere definizioa. Bakoitzak du bere justizia eraikitzen, bakoitzaren ikuspegitik dira gauzak injustu ala justuak izaten.

Injustizia mota desberdinak badira, eta nik, horietako bat bizitzen dut egunerokoan: emazte-gizonen arteko injustizia. Emazteek pairatzen dugun injustizia generoaren araberako desberdintasun, diskriminazio eta tratu bidegabean oinarritzen da. Mundu osoan agertzen da hainbat arlotan, hala nola soldatan, indarkeria matxistan, parte-hartze politiko eta sozialaren murrizketan baita hezkuntzan.

Etxean eta lanean ez dut injustizia hori jasaten, baina kirolean bai. Nire Hegoaldeko arraun elkartean, neskek eta mutikoek ber hangarra partekatzen dugu gure materiala biltzeko. Arazoa da mutikoek hangarraren bi herena baliatzen dutela guk herena baizik ez dugunean. Materiala, lekua eta dirua ez da justuki banatzen. Hain zuzen ere, babes...

Irakurri segida

Gurekin harremanetan sar