Kontseiluko biltzarra

Oporrak aitzin joan den ortzegunean iragan da Landagoienen, Martin Luther King gelan. Huna aho batez onartu erabakiak:

-Uda Lekurekin elkarlanerako hitzarmenaren berritzea.

-Haur gazte kolektiboaren harreran prezioen onartzea.

-Datorren urterako eskola jantokian prezioen finkatzea.

-Eskola aldiaren inguruko harreraren prezioen onartzea.

-Elektrika garraio sozietatearekin zuhaitz mozteko hitzarmena.

-ID-HOLD Peyrot sozietateari lur zati baten erosketa euro sinbolikoan.

-ID-HOLD Peyrot sozietatearen parte hartze eskaintza.

-Arruntzan 350 bidean Departamendua partaide segurtasuna bermatzeko obra batzuen egitea.

-Irabazien egiturako kudeatzaile orokorraren defizita ezeztatzea.

-Oihanean egur moztearen prezioen aldaketak.

-Sozial sailean CNAS egituran harpidetza baten hartzea.

-Funtzio ardura, gaitasun, esperientziari indemnizazio baten ezartzea.

-Zerbitzu teknikoetan bi lan posturen sortzea.

-Bizikleta elektrikoen erosleeri diru laguntzaren emaitea (bat oraikoan).

-Txakurrak herri arteko sindikatuaren araudien aldaketak.

Guadalupen SCI Ondareari lur salmenta baten baldintzen aldatzeak ekarri du biltzarreko eztabaidarik handiena. Azkenean erabakia gehiengoan onartua izan da bakarrik, ezkerreko 4 hautetsiek kontra bozkatzen zutela.

Biltzar bukaeran Denis Rouault diruzain axuantak bere kargua uzten zuela jakinarazi du arrazoi profesional eta pribatuengatik, halere kontseiluko beti geldituko dela adierazi du. Myriam Manji kontseilariak bere aldetik kontseilua uzten du lanarengatik Euskal Herritik urruntzera bortxatua delako. Ordezkoak hurrengo biltzarrean izendatuak izanen dira irailaren 29an.

Xapeldun

Gazteen mailan luzeko finala Zubietan jokaturik han ziren, pilotarien hirukote bat egin da Euskal Herriko xapeldun atxiki ttipian joan den igandean Baigorriko plazan. Arerioak Zaharrer Segikoak ziren. Hok beren publikoaren aitzinean oso indartsu agertu dira, bainan azkenean partida miresgarri baten ondotik, anitz berdinketekin, Kapito Harri nagusitu da 40/37. Gure pilotariak ziren: Iban Lapergue, Bastien Sarthe eta Luken Bidart. Taldeak anitz zor dio azken huni egin duen partidarengatik. Goresmenak deneri eta ondoko helburua Frantziako xapelgoa!

Mus lehiaketa

Eskuz-Esku elkarteak antolatzen du mus lehiaketa, agorrilaren 6an, larunbatarekin, Etxehasia gelan. Parte hartzeko izenak eman behar dira hilabete hunen azken eguneko berantenaz, elkarteko zuzendaritzari. Parte hartzaile bakotxak behar du eman ere bere muslari kidearen izena eta eguna gostako da 15 euro bakotxarentzat. Jatera eta edatera emana izanen da tokian berean. Hitzordua finkatua da Etxehasian (8:30). Hordagoak beti haizu dira!