Heldu den aste hondar huntan hasten zauzkigu eta usaia onen ez galtzeko, egitaraua bertsutan emanen dauzuegu:

Ortziralean hasten zauzkigu

Aurten behereko plazan

Eta herritar guzi guziek

Beharko dugu han izan.

Zikiro jate, Nat eta Watson

Musikaren anbiantzan,

Cumbian'bero taldearekin

Eroak bezala dantzan.

Ibiakoitzean, askari, jauzi,

Islan dugu merkatua,

Basaizearen bazkari hauta

Atzarbalek-ek alaitua,

Gure herria sustatzen duten

Elkarteen ostatua,

Oilokiegi, Frigo, bai eta

Uzkuluz-en kontzertua.

Igande goizez, dantza zigante,

Desfile ta ikusgarri

Gero bazkari Bixentainean

Hau presoen lagungarri,

Arratsaldean da "Baigorri'art",

Pollit bezain irringarri,

Kiki, suziri, Holako de Luxe

Soinuaz denak egarri.

Astelehenez biltoki dugu

Eliza plazako kantxa

Han esku huska gozatu eta

Aperitifan deskantsa.

Sebastienekin alaiki ase,

Ondotik da palantxa,

Ta "Den Bezala"-n gaua bukatu:

Hau da gure esperantxa.

Asteartean, pilotariak

Plaza nagusi gainean,

Zintzur bustitze, Karrikakurri

Segituz giro onean,

Besta jarraiki kafetegian,

Beti alaitasunean,

Azken indarrak bota ditzagun

Arratsez Bixentainean.

Kasu! Igandean, bidea hetsia izanen da behereko plazan, egun guzian.