Biltzarre

Uztailaren 21ean Lapurdi Herriko Etxean Johanna Clément, René Clément fundazioaren lehendakaria, Bruno Carrere auzapeza, Beñat Elhorga Senpereko auzapeza, beste arduradun, auzo eta idazkari bildu dira. Falta zen bakarra: Thierry Sanzberro Zuraideko auzapeza. Biltzarraren helburua izan da 2019an hiru herrien eta fundazioaren artean izenpetu hitzarmenaz kontu emaitea, zer segida ukan duen eta zer den geroztik eginik. Hiru Herriko Etxeen lana da araudien errespetaraztea. Hogei eta hamar hektarea dituen fundazioa kokatua den tokian, natura eta ingurumena zaintzea eta ahalik hobekien baloratzea da, hitzarmenaren mamia. Iragan urtean sektore hortan iraupeneko asko zuhaitz landatuak izan dira eta laborari batzuk erabiltzen dituzte, lur batzuen baldintzak eguneratuak. Lur eremu horietan baita Otsanzko kapera, erabaki dute beraren gibelean erremedio egiteko landare batzuk ezartzea, garai batean hor egon diren fraide batzuk egin zuten bezala.

Pilotaz hitz bat

Atxiki ttipi edo joko-garbin eta ere luzean Frantziako xapelgoaren kondu bost finalaurreko zituen Kapito Harri elkarteak jokatzeko. Bi jokatu dira pasa den asteburuan eta zorigaitzez bi galtzerekin. Larunbatean Baigorrin gaztek galdu dute joko-garbin, USSP Amikuzeren kontra 34-40. Igandean Saran luzeko jokoan, euriarengatik partida berant hasirik, helduetan gure talde nagusiak galdu du Luzean-en kontra 5-13. Aste huntako hiru partida gelditzen dira, bi joko-garbin, larunbatean helduena A mailan Baionaren kontra, Sutar plaza berrian eta kimuena herrian Bilgunen Hardoitarraken kontra. Luzean gazte mailan bi talde uztariztarrak ariko dira elgarren kontra, heldu den igande goizean, Bilguneko plazan. Bietarik bat finaleratuko da eta agian uztariztar pilotazale asko higiaraziko du partida horrek. Aste handiko berri ondoko astetan.

NB Joan den igande goizean helduetan A mailan Bilguneko plazan Hardoitarrak nagusitu da Noizbait Hazparnekoari 13-2.