Larrungo Koloreak

Taldeak Lur Berri gelan bere erakusketa egin du, 13 erakusle baziren, 11 margolari eta 2 zizelkari, denak bat bertzea bezain ederragokoak. Denak kontent ziren, zeren jende anitz ibili baita.

Beilatokia

Gan den astean lehenbizikoz estreinatua izan da. Hola ez dugu kanpoko herrira gan behar, herrian berean badugu eta plazer egiten du.

Abuztuko gertakariak

Abuztuaren 15, 22 eta 29an indar jokoak errebote berrian, elkarteek antolatua (20:00). 22an (10:00-18:00) eta 23an (17:00-22:00), plazako errebotean erakusketa, Larrungo Kolore elkarteak antolaturik. 27an, igandez, kontrabandisten lasterkaren eguna. 30ean, asteazkenez, kontzertua elizan (21:00) Larrun Kanta taldearekin. Buruilaren 5ean asteartez, elizan (21:00), Ravel-en kontzertua. 6an asteazkenez, elizan kontzertua (21:00), Mendi Xola taldearekin.

Indar joko

Errebote berrian, elkarteek asteartero (20:00) antolatzen dituzte manifestazioak, han berean edatekoak eta taloak badira. Banaz bertze, uztailean asteartero 500 bat presuna ibili dira, ikusiko abuztuan zer izanen den.

Pilota

Union Basque: esku-huska errebotean - 2. mailan: Iribarren Oihan-Endara Denis irabazle 30-25 Itsasuarrak-en kontra. Gaztetxoak: Alduntzin Kaiet-Marin Imaz Eneko irabazle 30-14 Amikuztarrak-en kontra. Frantziako txapelketa: gaztetxoak: Aguirre Arkaitz-Semerena Eneko galtzaile 9-30 Uhaldeanen kontra.