Eñaut Etxamendiren elkarrizketa Euskal Telebistan

Berrikitan, maiatzaren 25ean, Mithiriñan bizi den Eñaut Etxamendi, Euskal Telebistan mintzatu da, “Biba Zuek”, Xabier Sukiak eta Maialen Arzallusek animatzen duten emankizunean.

Eñautek euskarari buruz egin eta egiten duen lana zen solasaldiaren lehen gaia. Oroitarazi behar da sail hortan tesi bat sostengatu duela, 2007an Paueko eta Aturriko Unibertsitatean, Xarles Videgain-en gidaritzapean eta doktoretza titulua lortu duela. Ikerketa hortan, euskara eta indoeuropar hizkuntzen arteko konparaketa eginez, antzekotasun handiak atzeman ditu. Euskararen jatorria ez denez hizkuntza zahar horien familia berekoa, aitzinatzen du hipotesia bezala. Gomita zabaltzen du ikerlari berriei sail hori barnatzea.

Solasaldiaren bigarren partean, Eñautek kantu sailean egin duen lana Eñaut Larralde bere adiskide handiarekin aipatzen du, kantu miresgarri horien entzuteko eta kantatzeko gogoa emanez!

Elkarrizketa osoa EITBko sarean ikus dezakezue.

Amikuzeko lasterketa igande huntan, Donapaleun

Aurten ere, Amikuzeko ikastolak lasterketa bat antolatzen du, ekainaren 9an, igandez, haur eta heldueri elkartzeko aukera emaiteko, baita ere Amikuzeko eskualdeak hobeki ezagutzeko. Hitzordua, igande goizean emana da, Donapaleuko merkatu estalian.

Lehen ibilaldia (15 km), deneri idekia dena goizean abiatuko da (8:30).

Bigarrena (10 km), lasterketa moduan eginen da. Goizean abiatuko da (10:00). Haurrendako ere lasterketa berezia antolatua da.

Ondotik lekuan berean jateko eta edateko aukera emana da.

Izenak aitzinetik emaiten ahal dira pb-organisation.com sarean sartuz.