Gerezi Besta

Joan den igande huntan, beti bezala ekainaren lehen igandean, iragan da Gerezi Besta. Gauzak laburki erraiteko, ezin hobeki iragan da. Denbora hauta, doi bat lainotsu baina euririk ez, erretzeko berorik ere ez. Tokiko gerezi gutti izanik ere, Etxauritik izan da laguntza, eta tona bat et’erdi gerezi joan da nunbait han. Bestalde 800 bat bazkaltiar ere izan dira. Arratsaldean, herriko dantzariak kontent ziren ikuskizuna eskainirik. Jende anitz ibili da egun osoan eta iduriz arras gustura. Aurtengoa, beraz, untsa joan da. Egonen gira heldu den urtekoaren beha, tokiko gerezi gehiago izanen delako menturan.

Hirukasko

Aurtengo edizioa iraganen da ekainaren 15ean, larunbatez. Bi ibilaldi proposatuak dira. Abiatzea eginen da Bidarraiko elizatik goizean (6:30 eta 8:00 artean). Hara joaiteko, Itsasutik abiatuko da "nabeta" bat (6:30).

Komedia musikala

"Tous en scène" elkarteak ikuskizun bat eskainiko du elkarteko ikasleekin, ekainaren 15ean, larunbatez, Sanoki gelan (20:30). Sartzea libro izanen da, tokian berean zer jan eta zer edan izanen da.