Herriz Herri - Izturitze (NB) | 2024ko Ekainaren 06a
Heriotza
Satharitzeko Bernadeta Mendiboure,erietxeetan egonaldi luzeak eginik, berriki Izturitzeko Pausalekua xahar-etxerat erretiratua baitzen, hor pausatu da 82 urte zituela. Donoztiri Harrietako Bonetbelche 6 haurridetan hirugarrena zen. Izturitze Zurruteiko Paxkalina dendariarengana jin zen josten ikasteko. Hola zuen senargaia ezagutu, Pierrot Mendiboure Satharitzeko semea. Ezkondu eta seme-alabak jin zizkioten: Patrick eta Myriam. Duela 13 urte alargundua zen. Emazte alegera eta arrallanta ezagutu dugu, solaskide laketa. Kantaria, bereziki elizkizunetan haren boz ederra ohargarria zen.
Ehorzketa gogotik kantatuak, maiatzaren 28an iragan dira familia handiarekin, anitz herritar eta adiskide bildurik, ofizio emaile zelarik Xipri Arbelbide apeza, laguntzaile zuela Kanbo aldeko apez gaztea.
Patrick semeak, Christine hunen espos lagunak, Myriam alabak, 4 seme ttipiek, haren haurrideek eta hunkiak diren guziek gure doluminak onar ditzatela.
