Elkartasun zerbitzua

Bero handien ondorioz, auzoen arteko elkartasuna sustatu nahian, Herriko Etxeak konfidentziala eta kitorik den erregistroa atxikitzen du. Horren bidez, kanikula plana hasten balitz, herriko langileak jende ahuldu edo behartuekin harremanetan jar litaizke. Beraz, zerbitzu edo laguntza horren beharra senditzen bada, izena (edo berdin auzo batena) emaiten ahal da Herriko Etxera.

Etxe kurridak

Herriko bestak agorril hastapenean ditugu bainan besta komiteko gazteek 3 aste lehenago hasten dituzte etxe kurridak, auzoz auzo. Uztailaren 11n, joan den ibiakoitzean Belexi, Etzaunalde, Eraunalde, Mitxelene, Izpegiko erreka eta Geltokia egin dira. Uztailaren 18an, heldu den ibiakoitzean Urdoze, Bastida, Haitzalde, Auzo Ttipi, Eiharalde, Lezpartze eta Iruberen aldi izanen da. Uztailaren 25ean, Otikorene, Bortzirieta, Okoze, Germieta eta Iparragerre.

Agorrilaren 4an (asteartea), karrika kurri, gaineko karrikatik behereko plazara.

Zirkua

Kasu, kasu! Laster Baigorrin Gure Zirkua! Bederatzigarren aldikoz Gure Zirkua ibiltariak bere itzulia abiatu du. Irailaren 4 eta 5ean, Iparralderat heldu da eta Baigorrin kokatuko da, gu denen plazerarentzat!

Gure Zirkua, magia eta ilusioa euskaraz! Emanaldiak (oren bat eterdikoak), Baigorrin.

- Buruilaren 4an (18:00).

- Buruilaren 5ean (11:00 eta 17:00). Oraidanik txartelak hartu, lekuaren segurtatzeko! Txarteldegia: https://www.gurezirkua.eus/producto/baigorri

Webgunea: https://www.gurezirkua.eus