Biztanle kontaketa

2010eko uztail-agorrilean edo irailean sortu haurrek Herriko Etxera joan behar dute irailaren 30a aitzin, nortasun agiria eta familiako liburuxkarekin, biztanle kontaketarendako. Desmartxa hori baitezpadakoa da baxoa bezalako azterketak eta konkurtsoak pasatzeko, edota bozkatzeko.

Mintza Bardozen

AEKko gau eskolaren zerratzearen ondotik, irakasle faltagatik, Herriko Etxeak mintzapraktikak antolatuko ditu astean behin heldu den sartzetik goiti. Mintzatzea, irakurtzea eta itzulpenak egitea izanen dira helburuak. Interesatuek 06-79-66-53-78 zenbakira dei dezakete.

Ibarre auzoko zikiroa

Lambert auzoan bezala duela guti, Ibarre auzoan ere zikiroa antolatuko dute agorrilaren 29an, larunbatarekin. Antolatzaileak uztailaren 15a aitzin pasatuko dira etxez-etxe izen emate fitxak uzteko. Xehetasunen ukaiteko: 06-77-22-77-90.

Bardozen Kantuz

Ekainaren 17an (19:30), Bardozen Kantuz itzultzen da Salha jauregiaren beherera, Watsonek animaturik! Kantuzale guzieri idekia da, eta beti bezala, krakada izanen da emanaldi erdian. Ez duda, etorri!

Kontzertua elizan

Ekainaren 18an, Bardozeko Bizi kantuz eta Akizeko Avanti koruek kontzertua emanen dute elgarrekin elizan (20:30). Sartzea prezio librean.