Ziburun, Piarres-Larzabal kolegioan beti bada mugimendu frango, usaiako ikasketak bixtan da bainan besterik ere ba... Hala nola 4.eko klasetan direnentzat muntatua izan den antzerki tailer bat, Txomin Héguy artixtarekin egonik eta "Azken itzulia" antzerkia ikusirik.

Joan den astean, Donibane Lohizunen, ekintza berezi bat izan da BNP-Paribas bankuaren aitzinean.

Ziburun, Pazko biharamunak ekartzen du besta alegera hori. Mariñela auzoaldea airosten da goizetik arrats. Goizeko 10-ak eta erdietan, Mariñelak danborradak harrotuko ditu bazterrak. Eguerditan, zintzur bustitzea Ziburu Euskaldun taldeko kantariekin.

Elbarrituak gogoan

Hendaian, aste huntan guzian, indar berezi bat egina da, herriko etxea laguntzaile, elbarrituak direnentzat. Bilkura, erakusketa eta ikusgarri, sail aberats bat. Estreinatuz ere gela berezi bat zointako murru paretan agertzen dena aise irakurtzen ahal baitute karro ttipi batean dabitzan elbarrituek ere... Aste guziaren "amatxi", Jessica Berra arraulari guziz trebea, bi aldiz munduko xapeldun izana eta elbarrituen laguntzeaz azkarki axolatzen dena. Larunbat goizean, elbarritu batzu itsasorat aterako dira preseski arraulari trebe batzu segitzaile eta segur atsegin handia izanen dela heientzat!

Zoin eskualdetan aparka?

Hendaian, obra handiak egin beharrak dira hondartzaren hegiz hegiko ibilbide zabal eder hortan. Heldu den udazkenean hastekoak dira. Anartean, eztabadak ere badira proiektu hortaz, bereziki autoen aparkatzearengatik. Apailuen arabera, autoak aparkatzen ahal litazke zati on batean...