Baionako Kontserbatorioko ikasleek eskainiko dute "La mélodie du bonheur" musika komedia apirilaren 14an, 20:00etan. CRR Ravel elkarteak antolatzen du ekitaldi berezi hau, nun nahasiak diren kantu eta antzerkia.

Aski goiz aipatzen dut larri-larria, izen emaiteak kontseilatuak direlakotz: pierrebastres@yahoo.fr tel 06 83 82 98 34 edo bixente.fagoaga@ gmail.com tel 06 87 61 57 75.

Zaldubi Ikastolak antolatzen du ekitaldi hau, larunbatean arratseko 7:00etan hasiko dena, kirol zelaiko salan. Izen emaiteak hasiko dira arratseko 6:00etatik goiti eta parte hartzea 10 eurotan À¯'¬'nkatua da bakotxarendako.

Herriko Etxetik sortze bat eta hiru heriotze seinalatu dauzkute. Ongi etorri beraz Durietz Lois mutikoari, Ibarrungo auzoan eta suerte on bizi berri huntan, zure burasoeri ere zorion beroenak. Heriotzeeri dagokionez, Mayi Halsouet 91 urte, Marguerite Dumora 60 urte eta Hubert Le Noc 89 urte. Hauen familia eta ahaideeri gure dolumin bizienak.

Ekitaldi aldetik biziki aberatsa izan da, ortziralean hasirik Arte/Artisauen erakusketa bikainarekin Larreko Salan, Arbaso elkarteak antolaturik. Eskoletako 180 ikaslek parte hartu dute erakusketa huntan, ondotik larunbat eta igandean jendalde polita hurbildu da artisauen ikustera, batzuk erosketa egiterat, gehienak kuriostasunez hizketan aritzera eskulanetako artista horiekin. Brigitte zuzendariak bere mintzaldian larunbat eguerditan goretsi du langile horien lana eta hari beretik segituz Sylviane Alaux deputatuak azpimarratu du lurralde huntako hurbileko ekonomiaren garrantzia kalitatearen aldetik. Azken hitza xiberotar artisau batenganik izan da: aberastasun handiena lurralde huntan Euskaldunen bihotza dela. Igandean lehen aldikotz komertsanten elkarteak antolatu Bildotsaren Egunak sekulako arrakasta izan du. Auzo herrietatik ere hurbildu da jendetza Senpereko karrika eta pilota plazarat. Animazio ugari baziren, joaldunak, dantzariak, txaranga, zaldi ibilketak, tresna zaharren...