Herriz Herri - Baiona (L) | 2017ko Abenduaren 21a
Baionako Olentzero
Hainbat haurrek eta helduk urte guzian goaitatzen duten eguna larunbat huntako dugu.
Hainbat haurrek eta helduk urte guzian goaitatzen duten eguna larunbat huntako dugu. Gure ikazkina larunbatean kaiaratuko zauku arratsaldeko 3ak eterditan Chaho-Pelletier gunean ohi bezala, Ibaialdeko batelekuek ekarririk Errobi ibaian behera. Egun guzian Baionako koruek auzoak berotu ondoan, eskola pribatu, publiko eta ikastolako ikaslek errezebituko dute kantuz. Mari Domingi juntatuko zaie Olentzeroren gidatzeko karriketan barna, soinulariak lagun. Arte hortan, haurrek merkatuko plazan askari, joko eta kantu gozatuko dute Ozke taldearekin. Arratsaldeko 5etan, Olentzero, Mari Domingi eta beren astoa merkaturatuko dira, haurren azken kantuaren entzuteko eta ondoko balkoitik botatuko dizkiete beren goxokiak. Aurten ere Eguberriko argia piztuko du gure oihan zokoko ikazkinak Iparraldeko hiri nagusian.
