Herriz Herri - Ezpeleta (L) | 2017ko Abenduaren 21a
Estebestak
Aurten ere, Eguberri irian, eta Jondoni Estebe ospatzen den keinkan, Ezpeletak eskaintzen ditu Estebestak.
Aurten ere, Eguberri irian, eta Jondoni Estebe ospatzen den keinkan, Ezpeletak eskaintzen ditu Estebestak. Lehen hitzordua, ortzegun huntan, Olentzeroren eguna, haurrak ibiliko dira karriketan eta ondotik ukanen dute arratsaldeko askaria. Segida heldu den astean. Alde batetik, pilotarien Biper Sari lehiaketa, Doxpi trinketean. Finalerdiak asteartean, arratseko, 6etarik goiti. Partida batean Waltary eta Palomes, Lambert anaiak. Bestean, Bielle eta Lucu, Elgart eta Bilbao. Finalak ondoko ortziralean, tenore berean, lehenik haatik gazteen arteko lehiaketaren finala... Bestalde, asteazkenarekin, abendoak 27, goizean eta arratsaldean, ibilaldiak zaldi-karrosan. Arratsean, patronaiako gelan, kontzertua Kanboko Harmoniarekin. Biharamun arratsean, toki berean, Aguxtin Alkhat eta Jurgi Ekiza. Larunbatean, abendoak 30, arratsaldeko 4etan, Hodei magoaren ikusgarria, dena euskaraz eta urririk.
