Han eta Hemen | 2018ko Maiatzaren 17a

HAZIAK LORATZEN : EUSKAL BALE ARRANTZALEEN BIDEAN

AEK-ko ikasle batzuk

Baleontziaren%20maketa_%20Albaolan — Baleontziaren maketa, Albaolan

Gaurkoan Pasai Donibanera egin genuen ateraldia kontatuko dizuegu. Bertan, Albaola bisitatu genuen. Garai batean, itsasontzi lantegi bat zen eta duela urte gutti hasi ziren proiektu handi batean lanean: XVI. mendeko San Juan baleontzi euskalduna berriz eraikitzea, garai hartako teknikekin (elektrizitaterik gabe). Baleontzia, 1565ean hondoratu zen Kanadan eta 1978an aurkitu zuten. Arkeologo, urpekari eta beste anitzen lanari esker, baleontziaren aztarnak behatuz, plano berriak egin zituzten. Egun, Albaola “lantegi- museo” bihurtu da eta euskaldunen bale-arrantzaren historia, euskaldunek itsasontziak eraikitzeko erabiltzen zituzten antzinako teknikak eta San Juan baleontzi “berria”-ren bilakaera aurkezten ditu. Proiektu horren helburua betetzeko, San Juan baleontziak itsasoa zeharkatuko du Kanadaraino, arbasoen bidea jarraituz. Nabigatu ere garai hartan bezala eginen dute, hau da, belaz. Museoa biziki ongi antolatua da, gazte nahiz zaharrentzat interesgarria! Azalpen guztiak euskeraz izan ziren, noski.

Han eta Hemen | 2018/05/17

Hiriburuko kultur gela berria

Hitzaldien%20denboran_%20Alain%20Iriart%20auzapeza%20mikroan — Hitzaldien denboran, Alain Iriart auzapeza mikroan

Apirilaren 28an estreinatua izan da “La Perle” gela berritua, Hiriburuko kultur gela bilakatu dena, goi maileko ikusgarriak errezebituko dituena, dantza, musika, kantu eta besteren hedatzaile. Ez da oraikoa gela hori, askok dantzatoki bezala ezagutu duketela 1994a arte. Urte hortan zuen herriak beretu eta gela hori erabili zen besta askoren kokaleku gisa, ezkontza, bazkari herrikoi eta beste. Sahetsean dagon plaza berritu ondoan, Plaza Berri izendapenarekin, oraikoan gela hori du beraz herriak apailatu, herriko bihotzari bizi are gehiago emateko nahikariarekin. Eta 2018ko urritik harat, hilabetean kultur ikusgarri bat gutienez eskainiko da gela berritu hortan, urritik maiatzerainoko sasoinean. 200 toki dauzka. Estreinaldi egunean hitzaldiak lerrokatu dira, Alain Iriart Hiriburuko auzapezarena, Jean- Paul Diribarne kontseilari departamentalarena, Frédérique Espagnac zenaturrarena, Florence Lasserre deputatuarena eta Hervé Jonathan Baionako suprefetarena. Ondotik, Théâtre et Sen...

Irakurri segida

Han eta Hemen | 2018/05/17

Lizeoko%20ikasleak%20Baionako%20Herriko%20Etxe%20aitzinean%20tanborradan — Lizeoko ikasleak Baionako Herriko Etxe aitzinean tanborradan

Joan den maiatzaren 4an, Seaskak deitu zuen mobilizazio batetara, mezu argi batekin “Kasu ikastolak kexu!”.

Irakurri segida

3450. zbk

Etxeko sua etxeko hautsak behar du estali

Betiko errana

Gure Hitza | 2018/05/17

Bide berri bati buruz abiatu behar

Menane Oxandabaratz

Azken egun hauetan Euskal Herrian ETAren desegiteak sortu ditu ihardukitze ainitz, 60 urtez ezagutu dugun talde armatua hortan gelditu dela eta.

Azken egun hauetan Euskal Herrian ETAren desegiteak sortu ditu ihardukitze ainitz, 60 urtez ezagutu dugun talde armatua hortan gelditu dela eta. 2011n, Aieteko konferentziatik landa hasi ziren lehen urratsen emaiten, sortu zuela herritarrenganik esperantza handia. Ipar Euskal Herrian adostasun handi bat lortu zen, izan tendentzia desberdinetako hautetsiak, sindikatu gehienak, jendarte mugimenduak... denek bat egin zuten laguntza ekartzeko garai berri bati buruz joan zadin Euskal Herria. Hego Euskal Herrian gauzak ez dira hain errexki abiatu prozesu berri horretan, baina emeki-emeki urratsak egiten ari dira, foru sozialak antolatuz jendarteak beregana dezan aterabide bat lortzeko.

Maiatzaren 3a, Euskal Herriaren historia markatuko duen eguna izanen da, ofizialki egun hortan baitu ETAk bere azken agerraldia egin. Euskal gatazkaren konponbiderako frantses eta espainol estatuek ere badute beren eginbeharra, ardura horietarik lehena da presoen eta deportatuen kasuaz arduratzea. ...

Irakurri segida

PDFa jaitsi