Heriotze

P.L.

- Aitzineko aste undarrean, ximixta bezala hedatu da berri lazgarria, oro harritzen zituela: Salaberriko Solange Ourthiague zendu zela tupustez, usaian bezala astiriko lanetan ari zelarik bere arditegian. Bihotzeko ukaldi batek eraman du 49 urteko emaztea, nahiz helikopteroko medikuek egin duten beren eginahal guzia. Astelehenean, elizkizunetan ainitz adixkide juntatu dira familiari azken agur baten egiteko Solangeri. Ez da erraitearen beharrik holako gertakari batek denak hunkitzen gaituela eta pentsatzen dugula hurbiletik joak direneri. Beraz familiakoek onar ditzatela gure dolumin bizienak eta izan dezatela behar den kuraia.

3450. zbk

Etxeko sua etxeko hautsak behar du estali

Betiko errana

Gure Hitza | 2018/05/17

Bide berri bati buruz abiatu behar

Menane Oxandabaratz

Azken egun hauetan Euskal Herrian ETAren desegiteak sortu ditu ihardukitze ainitz, 60 urtez ezagutu dugun talde armatua hortan gelditu dela eta.

Azken egun hauetan Euskal Herrian ETAren desegiteak sortu ditu ihardukitze ainitz, 60 urtez ezagutu dugun talde armatua hortan gelditu dela eta. 2011n, Aieteko konferentziatik landa hasi ziren lehen urratsen emaiten, sortu zuela herritarrenganik esperantza handia. Ipar Euskal Herrian adostasun handi bat lortu zen, izan tendentzia desberdinetako hautetsiak, sindikatu gehienak, jendarte mugimenduak... denek bat egin zuten laguntza ekartzeko garai berri bati buruz joan zadin Euskal Herria. Hego Euskal Herrian gauzak ez dira hain errexki abiatu prozesu berri horretan, baina emeki-emeki urratsak egiten ari dira, foru sozialak antolatuz jendarteak beregana dezan aterabide bat lortzeko.

Maiatzaren 3a, Euskal Herriaren historia markatuko duen eguna izanen da, ofizialki egun hortan baitu ETAk bere azken agerraldia egin. Euskal gatazkaren konponbiderako frantses eta espainol estatuek ere badute beren eginbeharra, ardura horietarik lehena da presoen eta deportatuen kasuaz arduratzea. ...

Irakurri segida

PDFa jaitsi