Herriz Herri - Baigorri (NB) | 2019ko Martxoaren 01a
Optika denda berria
Azkaratetik etorri zauku Florence Etchenique andere gaztea Osagarri Etxearen parean eraikuntza berria eginik, "Baigoptique" bere optika dendarekin hor instalatzeko. Ikasketak Lormont-en (BTS) eta Bordelen (lizentzia) egin ditu eta optika praktika aldiz Hendaiako denda batean. Euskaraz ere hitzegiten duela, esperantzaz betea heldu zauku, zerbitzu berria ekarri nahiz gure balea huntan. Dendaz aparte, etxetarat ere joan laike beharrez, bereziki jende xaharrak direnean. Hirietan kausitzen den zerbitzu bera nahi du ekarri, betaurreko armaduren gama osoa eta modernoa proposatuz moltsa guzientzat, pare bat erostean bigarrena eskainiz ere euro batean. Garai huntan, bixta zehatza behar dugu eta hau, denbora laburrez aldatzen ahal da. Gisa hortan behartueri, ikerketak egiten ahal ditu. Ondoko egunetan, formakuntza eginen du bereziki haurrentzat eta kirola egiten dutenentzat. Horra beraz zerbitzu bat baliatu behar duguna urrunegi joan gabe.
